ކުރިއަށް އޮތް ލޯކަލް ކައުންސިލް އިންތިހާބުގައި އައްޑޫގެ ރައްޔިތުން ޕީޕީއެމަށް ފުރުސަތު ދިނުމަށް ގުރައިދޫ ދާއިރާގެ މެމްބަރު ޣައްސާން މައުމޫން ގޮވާލައްވައިފިއެވެ.
ޣައްސާން ކުރެއްވި ޓްވީޓެއްގައި ވިދާޅުވެފައިވަނީ އައްޑޫ ރައްޔިތުން އެމްޑީޕީއަސް އެތައް ފަހަރަކު ފުރުސަތު ދީފައިވާކަމަށާއި، ރައްޔިތުންގެ އުންމީދުތައް އެމްޑީޕީން ހާސިލުކޮށްނުދޭކަމަށެވެ.
އެހެންކަމުން މިފަހަރު އައްޑޫ ރައްޔިތުން ޕީޕީއެމަށް ފުރުސަތުދީ ޕީޕިއެމަށް ވޯޓު ލުމަށް ޣައްސާން ގޮވާލައްވާފައިވެއެވެ. އަދި ޕީޕީއެމަށް ވޯޓު ލައިފިނަމަ ތަފާތު ފެންނާނެ ކަމަށް ޣައްސާން ވިދާޅުވިއެވެ.
އައްޑޫސިޓީއެ ލޮބުވެތި ރައްޔަތުން!
MDPއަށް އެތެއް ފަހަރަކި ފުރުސަތު ދީގެ ނުނީ. ރައްޔަތުންގެ އުއްމީދުތައް MDPއަކުން ހާސިލްކޮށް ނިދިނާ! މިފަހަރަ PPMއަށް ފުރުސަތު ދޭއް ހުށިހެއި އެންމެން ވޯޓު ދޭއްވީ PPMއަށް. ރުކަށް. އިރާދަކުރެއްވިފެހޭ ތަފާތު ފެނޭހެއް. ތަފާތު ދައްކާށުމާ. 🙏🏻 pic.twitter.com/w5UWY7gm0g
— Mohamed Ghassan Maumoon (@mgmaumoon) April 5, 2021
އައްޑޫސީޓީ މޭޔަރު ކަމަށް ޕީޕީއެމްގެ ޓިކެޓުގައި ވާދަކުރައްވަނީ މުހައްމަދު ލަތީފެވެ. އަދި އެމްޑީޕީގެ ޓިކެޓުގައި އަލީ ނިޒާރު ވާދަކުރައްވާއިރު އަމިއްލަ ގޮތުން އިބްރާހިމް ތާހިރު ވާދަކުރައްވައެވެ.