ޅ. ނައިފަރުގެ ހާލަތު ގޯސްކަމަށް ބުނެ އެ ދާއިރާގެ މެމްބަރު އަހުމަދު ޝިޔާމް ކަންބޮޑުވުން ފާޅު ކުރައްވައިފިއެވެ.
ޝިޔާމް ކުރެއްވި ޓްވީޓެއްގައި ވިދާޅުވެފައިވަނީ، 15000 އަށްވުރެއް ބޮޑު އާބާދީއެއް އޮތް ޅ. އަތޮޅު ހޮސްޕިޓަލުގައި ކޮވިޑަށް ޓެސްޓް ކުރެވޭނެ ވަސީލަތެއް އަދިވެސް ނެތްކަމަށެވެ.
ހޮސްޕިޓަލުގެ މުވައްޒަފުން ވަރުބަލު ވެފައިވާކަމަށާއި، ކްރިޓިކަލް ކޭސްތަކުގެ ނަތީޖާ ލިބުމަށް ހަތް ދުވަސް ނަގާކަމަށް ޝިޔާމް ވިދާޅުވިއެވެ.
"ހުރީ 4 ސިލިންޑަރު އޮކްސިޖަން. ނައިފަރުގެ ހާލަތު ވަރަށް ގޯސް. ސަރުކާރަކާ ވާކަމެއް ނޫން." ޝިޔާމްގެ ޓްވީޓްގައިވެއެވެ.
15000+ aabaadhee eh khidmaiy hoadha Lh.Atholhu Hospitalgai Covid ah test kolleveyne vaseelaiy ADHIVES neiy. Hospital ge muazzafun exhaust vejje. Critical case thakuge test natheeja liben 7 days. Huree 4 cylinder oxygen. Naifaruge haalathu varah goas. Sarukaaraka vaakamehnoon.
— Ahmed Shiyam (@Shiyamaldives) May 6, 2021
އިއްޔަ ރާއްޖެއިން ވަނީ 734 މީހުން ކޮވިޑ-19 އަށް ޕޮޒިޓިވް ވެފައެވެ. ޕޮޒިޓިވްވި މީހުންގެ ތެރެއިން 540 މީހުން ނިސްބަތްވަނީ މާލެ ސަރަހައްދަށް ކަމަށެވެ. އަދި އަތޮޅުތެރެއިން 186 ކޭސް ފެނިފައިވާ ކަމަށްވެސް އެޗްޕީއޭ އިން ބުނެއެވެ.