މަޖިލީހުގެ ރައީސް އަދި ކުރީގެ ރައީސް މުހައްމަދު ނަޝީދުގެ ހާލުކޮޅު ސްޓޭބަލް ކަމަށް އޭޑީކޭ ހޮސްޕިޓަކުން ބުނެފިއެވެ.
ރައީސް ނަޝީދަށް އަމާޒުކޮށް ދެވުނު ހަމަލާއާ ގުޅިގެން އަންނަނީ އޭޑީކޭ ހޮސްޕިޓަލުގައި އެޑްމިޓް ކޮށްގެން ފަރުވާދެމުންނެވެ.
އޭޑީކޭއިން ބުނެފައިވަނީ ފަރުވާއަށް ރައީސް ނަޝީދު އޭޑީކޭއަށް ގެންގޮސްފައިވަނީ މިރޭ 20:30 ގައެވެ. އަދި ރައީސް ނަޝީދަށް މަލްޓި ސްޕެޝިލިޓީ މެޑިކަލް ޓީމަކުން ފަރުވާ ދެމުން އަންނަކަމަށެވެ.
ރައީސް ނަޝީދުގެ ހާލުކޮޅު ސްޓޭބަލް ކަމަށްވެސް އޭޑީކޭއިން ބުނެފައިވެއެވެ.
President Mohamed Nasheed was brought to the hospital with multiple injuries today at 20:30hrs. He is currently being treated by a multi speciality medical team. His vitals are currently stable. We will update further.
— ADK Hospital (@ADKHospital) May 6, 2021
ރައީސް ނަޝީދަށް އަމާޒުކޮށް ދެވުނު ހަމަލާއާ ގިނަ ފަރާތްތަކަކުން އަންނަނީ ހަރުކަށި އިބާރާތުން ކުށްވެރިކުރަމުންނެވެ. މިހަމަލާގައި ރައީސް ނަޝީދުގެ އިތުރުން އެމަނިކުފާނުގެ ބޮޑީގާޑަކަށާއި އިތުރުމީހަކަށްވެސް ޒަހަމްތައް ލިބިފައިވެއެވެ.