އިންޑިއާގެ ޓުޓުކޮރިން އިން އައްޑޫ ސިޓީއާ ދެމެދު ފަށާފައިވާ ކާގޯ ފެރީގައި 3500 ޓަނުގެ މުދާ އައްޑޫ އަށް ގެނެސްފިއެވެ.
ހިތަދޫ ޕޯޓު ލިމިޓެޑުން ބުނީ 3587.3 ޓަނުގެ މުދާ މިދިޔަ ހޯމަ ދުވަހު އައްޑޫއަށް ގެނެސްފައިވާ ކަމަށެވެ. އެގޮތުން އައްޑޫ އަށް ގެނައި މުދަލުގެ ތެރޭގައި ކާބޯތަކެތީގެ އިތުރުން ކޮންސްޓްރަކްޝަން ސާމާނު ހިމެނެއެވެ. މީގެ ތެރޭގައި ފިނި ކުރި މުދަލުގެ ގޮތުގައި 5524 ކިލޯގެ މުދާ ގެނެސްފައިވެއެވެ.
މި ދަތުރުގައި އައްޑޫ އަށް ގެނައި ކާބޯތަކެތީގެ ބާވަތްތަކުގެ ތެރޭގައި ބިސް، ފިޔާ، އަލުވި، ކެބެޖް، ޓޮމާޓޯ، ކަރާ އަދި ދޮންކެޔޮ ވެސް ހިމެނެއެވެ.
— Hithadhoo Port Limited (@adduport) August 23, 2021
އިންޑިއާގެ ޓުޓިކޮރިން އާއި އައްޑޫ އާއި ދެމެދު ކޮންމެ 20 ދުވަހަކުން ދަތުރުތައް އަންނަނީ ބާއްވަމުންނެވެ.
އިންޑިއާގެ ޓުޓުކޮރިން އާއި އައްޑޫއާ ދެމެދު ކާގޯ އުފުލަށް ބޭނުން ކުރަމުން އަންނަނީ 3700 މެޓްރިކް ޓަނުގެ "ބޮންތި 2" ބޯޓެވެ.