ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހް އަދި ނައިބު ރައީސް ފައިސަލް ނަސީމް ފޮރިން މިނިސްޓަރު އަބްދުﷲ ޝާހިދަށް މަރުހަބާ ވިދާޅުވެއްޖެއެވެ.
އ.ދ ގެ އާއްމު މަޖިލީހުގެ 76 ވަނަ ސެޝަންގެ ރިޔާސަތާއި ފޮރިން މިނިސްޓަރު އަބްދުﷲ ޝާހިދު ރޭ ވަނީ ހަވާލުވެވަޑައިގެންފައެވެ.
އެކަމާ ގުޅިގެން ކުރެއްވި ޓްވީޓެއްގައި ރައިސް އިބްރާހިމް މުހައްމަދު ސޯލިހް ވަނީ މިނިސްޓަރު ޝާހިދަށް މަރުހަބާ ވިދާޅުވެ، މިއީ ހާރިޖީގޮތުން ރާއްޖެއަށް ތާރީހީ ދުވަހެއްކަން ފާހަގަކުރައްވާފައެވެ. އަދި ބައިނަލްއަޤްވާމީ މައިދާނުގަ ރާއްޖެއިން ކުރަމުންދިޔަ މަސައްކަތްތައް މުޅިން އެހެން ހަރުފަތަކަށް ގެންދެވުނު ދުވަހެއް ކަމަށްވެސް ވިދާޅުވިއެވެ.
Congratulations to Foreign Minister @abdulla_shahid on being formally sworn in as President of the 76th UN General Assembly.
This is a watershed moment in our foreign policy and a fine indication of the positive strides Maldives continues to make in international statecraft.
— Ibrahim Mohamed Solih (@ibusolih) September 15, 2021
މީގެއިތުރުން ނައިބު ރައީސް ފައިސަލް ނަސީމް ކުރެއްވި ޓްވީޓުގައިވެސް ވަނީ މިނިސްޓަރު ޝާހިދަށް މަރުހަބާ ވިދާޅުވެ، މި ކާމިޔާބީއަކީ ރާއްޖޭގެ ފޮރިން ޕޮލިސީ ރަނގަޅު މިސްރާބަކަށްދާކަން ހާމަވާ ކަމެއްކަމަށް ވިދާޅުވެފައެވެ.
Felicitations and best wishes to Minister @abdulla_shahid on being sworn in as the President of the 76th UN General Assembly. This indeed is a proud moment for all of us and shows the positive effects of the current administration's forward thinking foreign policy. pic.twitter.com/IfRY6A39r0
— Faisal Naseem (@FaisalNasym) September 15, 2021
އދ.ގެ 76 ވަނަ އާންމު މަޖިލީހުގެ ރިޔާސަތަށް މިނިސްޓަރު ޝާހިދު އިންތިހާބުވެވަޑައިިގެންނެވީ މިދިޔަ ޖޫން މަހުގެ 7 ވަނަ ދުވަހު ބޭއްވި އިންތިހާބުގައި އަފްޣާނިސްތާނުގެ ކުރީގެ ހާރިޖީ ވަޒީރު ޒަލްމާއި ރަސޫލްއާ ވާދަކޮށް ކުރި ހޯއްދަވައިގެންނެވެ. މިނިސްޓަރު ޝާހިދަށް ލިބިވަޑައިގަތީ 143 ވޯޓެވެ. ޑރ. ޒަލްމާއި ރަސޫލްއަށް ލިބިވަޑައިގެންފައިވަނީ 48 ވޯޓެވެ.
އެ އިންތިހާބު ޝާހިދު ކާމިޔާބު ކުރެއްވިއިރު، އިންތިހާބުގެ ކެމްޕެއިނަށް މި އަހަރު ބަޖެޓުން 4.3 މިލިއަން ރުފިޔާ ކަނޑައަޅާފައިވެއެވެ. އެ އިންތިހާބުގައި ރާއްޖެ އާއި ގާތް ގުޅުމެއް ބާއްވަމުން ގެންދަވާ ބޮޑެތި ގައުމުތައް ކަމަށްވާ އިންޑިއާ އާއި ސައުދީ އަރަބިއްޔާ އިން ވަނީ ޝާހިދަށް ތާއީދުކުރައްވާފައެވެ.