އުރީދޫން އާ އައިފޯންތަކަށް ޕްރީއޯޑަރަށް ހުޅުވާލައިފި

އެޕަލް ކުންފުނިން މިދިޔަ މަހު ނެރުނު އައިފޯން 13 ސީރީޒްގެ ފޯނުތަކަށް ޕްރީއޯޑާ ކުރުމުގެ ފުރުސަތު އުރީދޫން ހުޅުވާލައިފިއެވެ

އުރީދޫން ބުނީ އައިފޯން 13 އާއި އައިފޯން 13 ޕްރޯ އާއި ޕްރޯ މެކްސް އަދި މިނީ އެ ކުންފުނި މެދުވެރިކޮށް މިހާރު ޕްރީއޯޑާ ކުރެވޭނެ ކަމަށެވެ. މި ފޯނުތައް ޕްރިއޯޑަރަށް ހުޅުވާލާފައިވަނީ އުރީދޫގެ އީ ކޮމާސް ޕްލެޓްފޯމް، މޫލީ މެދުވެރިކޮށެވެ.

މިދިޔަ މަހުގެ ފަހުކޮޅު ދުނިޔޭގެ ބާޒާރަށް ނެރުނު މި ފޯނުތަކަކީ އުރީދޫގެ 5ޖީ ހިދުމަތް ލިބޭ ފޯނުތަކެކެވެ.

އުރީދޫ މޫލީން އައިފޯން 13 ސީރީޒްގެ ފޯނުތައް ޕްރީއޯޑާ ކުރެވޭ އަގުތައް:

– އައިފޯން 13 މިނީ (128 ޖީބީ): 16،599ރ.
– އައިފޯން 13 (128 ޖީބީ): 18،899.01ރ.
– އައިފޯން 13 ޕްރޯ (256 ޖީބީ): 25،799ރ.
– އައިފޯން 13 ޕްރޯ މެކްސް (256 ޖީބީ): 28،199ރ.