އިންޑިއާގެ ބޮޑުވަޒީރު ނަރެންދްރަ މޯދީގެ ރަސްމީ ޓްވިޓާ އެކައުންޓް ރޭގެ ވަގުތެއްގައި ހެކްކޮށްފި އެވެ.
މޯދީގެ އެކައުންޓް ހެކްކުރުމަށްފަހު އެ އެކައުންޓުން ކުރި ޓްވީޓެއްގައި ވަނީ ވިޔަފާރީގެ މުއާމަލާތްތަކުގައި ބިޓްކޮއިން ބޭނުންކުރަން އިންޑިއާ އިން ރަސްމީކޮށް ނިންމާފައިވާ ކަމަށާއި އެގޮތުން އިންޑިއާގެ ހުރިހާ ރައްޔިތުންނަށް ބެހުމަށް ސަރުކާރުން ބިޓްކޮއިން ގަނެފައިވާ ކަމަށް ބުނެފަ އެވެ. އެ ޓްވީޓު ފަހުން ވަނީ ޑިލީޓްކޮށްލާފަ އެވެ.
އިންޑިއާގެ ބޮޑުވަޒީރުގެ އޮފީހުން ކުރި ޓްވީޓެއްގައި ބުނީ މޯދީގެ އެކައުންޓް ހެކްކުރިކަން އެނގުނު ހިސާބުން އެކަން ޓްވިޓާ އަށް އަންގައި އެކައުންޓުގެ ސަލާމަތްކަން ވަރުގަދަ ކުރަން ފިޔަވަޅުތައް އަޅާފައިވާ ކަމަށެވެ. އަދި ހެކްކުރި ވަގުތުކޮޅުގެ ތެރޭގައި މޯދީގެ އެކައުންޓުން ކުރި ޓްވީޓާއި މެދު އަޅާނުލުމަށް ވެސް އެ އޮޮފީހުން ވަނީ އެދިފަ އެވެ.
The Twitter handle of PM @narendramodi was very briefly compromised. The matter was escalated to Twitter and the account has been immediately secured.
In the brief period that the account was compromised, any Tweet shared must be ignored.
— PMO India (@PMOIndia) December 11, 2021
މޯދީގެ އެކައުންޓުގައި 73.4 މިލިއަން ފޮލޯވަރުން ތިބެ އެވެ.
މިދިޔަ އަހަރުތެރޭގައި ބަޔަކު ވަނީ މޯދީގެ ރަސްމީ ވެބްސައިޓު ވެސް ހެކްކޮށްފަ އެވެ.