ވެލާނާ އިންޓަނޭޝަނަލް އެއާޕޯޓު (ވީއައިއޭ) ގެ އެއާޓްރެފިކް މޫމަންޓްސް އިއްޔެ 826 އަށް އަރާކަމަށާއި މިއީ އާ ރެކޯޑެއް ކަމަށް އެއާޕޯޓު ހިންގާ އެމްއޭސީއެލް އިން ބުނެފިއެވެ.
ވެލާނާ އިންޓަނޭޝަނަލް އެއާޕޯޓުގައި އިއްޔެ 233 ރަންވޭ މޫމަންޓްސް ހިނގާފައިވާއިރު ސީޕްލޭން މޫމަންޓްސްގެ އަދަދު 593 އަށް އަރައެވެ.
މި ރެކޯޑަކީ 2020 ވަނަ އަހަރުގެ ޖެނުއަރީ އަށްފަހު އެއާޕޯޓުގެ އެއާ ޓްރެފިކް މޫވްމަންޓް ރެކޯޑު މިންވަރަކަށް އިތުރުވި ފުރަތަމަ ފަހަރެވެ. އެފަހަރު ރިކޯޑު ހެދީ 811 މޫވްމެންޓާއެކު އެވެ.
We are pleased to announce that on January 2, 2022, @VelanaAirport set a new air traffic movement record.
There were 233 runway movements and 593 seaplane movements.
A total of 826 movements were made, setting a new record.The previous record was 811, on January 5, 2020. pic.twitter.com/89JY13dFVk
— Maldives Airports Company Ltd – MACL (@MACLmedia) January 3, 2022
ކޮންމެ އަހަރެއްގެ ކްރިސްމަސް ބަންދު ދުވަސްތަކާއި އާ އަހަރު ފެށޭ ދުވަސްތަކަކީ އެންމެ ގިނަ އަދަދަކަށް ޓޫރިސްޓުން ރާއްޖެއަށް އަންނަ ދުވަސްވަރެވެ. އަދި މި ދުވަސްވަރަކީ ޗުއްޓީއަށްފަހު ގިނަ ބަޔަކު ރާއްޖެއިން ފުރާ ދުވަސްވަރަކަށްވާތީ، ވީއައިއޭ އަށް ވަނީ ވަރަށް ބާރުބޮޑުވެފަ އެވެ.
މިދިޔަ އަހަރު ރާއްޖެ އަށް 1.3 މިލިއަން ފަތުރުވެރިން އައިސްފައިވާއިރު، ސަރުކާރުގެ އަމާޒަކީ މިއަހަރު ދެ މިލިއަން ފަތުރުވެރިން ރާއްޖެ ގެނައުމެވެ.