"ސައުތު އޭޝިއަން ޖޫނިއަ އެންޑް ކެޑޭޓް ޓޭބަލް ޓެނިސް ޗެމްޕިއަންޝިޕް 2022" ހުޅުވުމުގެ ރަސްމިއްޔާތު ރައީސް އިބްރާހީމް މުހައްމަދު ސޯލިހު ރޭ އިފުތިތާހުކޮށް ދެއްވައިފި އެވެ.
ސޯޝަލް ސެންޓަރުގެ އިންޑޯ ހޯލުގައި ބޭއްވި މި ރަސްމިއްޔާތަށް ފަހު ރައީސް ވަނީ ރޭ ރާއްޖެ އާއި ބަނގުލަދޭޝް ބައްދަލުކުރި ޑަބަލްސް މެޗް އަދި ރާއްޖެއާ ސްރީލަންކާ ބައްދަލުކުރި ޑަބަލްސް މެޗް ވެސް ބައްލަވާލައްވައިފަ އެވެ.
ދެކުނު އޭޝިއާ ސަރަޙައްދުގެ ހަތް ޤައުމެއްގެ ޖޫނިއާ އެތުލީޓުން ބައިވެރިވާ، "ސައުތު އޭޝިއަން ޖޫނިއާ އެންޑް ކެޑޭޓް ޓޭބަލް ޓެނިސް ޗެމްޕިއަންޝިޕް 2022" މުބާރާތް ކުރިއަށް ދާނީ މި މަހުގެ މި މަހުގެ 12 އާ ހަމައަށެވެ.
ބައިނަލްއަގްވާމީ މުބާރާތްތައް ރާއްޖޭގައި ބާއްވާއިރު ފުޓުބޯޅަ ފިޔަވައި އެހެން ކުޅިވަރުތަކުން ކޭމްޕްކުރުން އޮތީ ކުރަންނުޖެހޭ ކަމެއްގެގޮތުގައި.ނަމަވެސް ޒުވާން ޓީޓީ ޓީމް މިހާރުތިބީ ބީހައިވް ހޮޓަލުގަ ކޭމްޕް ކޮށްގެން.މިއީ ޓީޓީ ޓީމެއް ކޭމްޕްކުރި ފުރަތަމަ ފަހަރު.ފައިދާތަކެއް ކުރާނެ.🇲🇻🏓 pic.twitter.com/wMjYqT5IGS
— Ahmed Mahloof (@AhmedMahloof) May 4, 2022
މުބާރާތުގައި ބައިވެރިވާ ގައުމުތަކުގެ ތެރޭގައި ރާއްޖޭގެ އިތުރުން ސްރީ ލަންކާ، ބޫޓާން، ނޭޕާލް، ބަންގްލަދޭޝް، އިންޑިޔާ އަދި ޕާކިސްތާން ހިމެނެ އެވެ.