އިންޑިއާގެ ދެމަފިރިއަކު އެ މީހުންގެ ހަމައެކަނި ދަރިފުޅުގެ ކައިވެންޏަށް ހަ އަހަރުވީ އިރު ވެސް ކާފަ/މާމަ ކިޔާނެ ދަރިޔަކު ހޯދައި ނުދީގެން ދައުވާކޮށްފި އެވެ.
މީޑުއިތަކުން ރިޕޯޓްކޮށްފައިވާ ގޮތުގައި އިންޑިއާގެ އުތުރާކަންދުގެ އަވަށަކަށް ނިސްތަބްވާ ސަންޖީވް ޕްރަސާދު، 61، އާއި އަންހެނުން ސާދުވާ ޕްރަސާދު، 57، އެ މީހުންގެ ފިރިހެން ދަރިފުޅު ޝްރޭ ސާގަރު، 35، އާއި އޭނަގެ އަންހެނުން ޝުބާންގީ ސިންހާ، 31، އަށް ދައުވާކުރަން ނިންމީ ކައިވެންޏަށް ހަ އަހަރު އަހަރުވީ އިރު ވެސް، ކާފަ/މާމަދަރިޔަކު ހޯދައި ދީފައި ނުވާތީ އެކަމަކީ ނަފުސާނީ ގޮތުން ވެސް އެ މީހުންނަށް ދޭ އަނިޔާއެއް ކަމަށް ބުނެ އެވެ.
އެހެންވެ މި މައްސަލާގައި ފިރިހެން ދަރިފުޅާއި ޅީދަރިފުޅަށް ދައުވާކޮށް ބުނެފައި ވަނީ އަހަރެއްގެ ތެރޭގައި އެ ދެ ދެމަފިރިން ދަރިޔަކު ނުހޯދައިފި ނަމަ ބަދަލު ހޯދަން ވެސް ބޭނުންވާ ކަމަށެވެ. ޕްރަސާދު ބުނި ގޮތުގައި އެ މީހުންނަށް ލިބުނު ހަމައެކަނި ދަރިފުޅު ޝްރޭ ބަލައި ބޮޑުކޮށް ކިޔަވައިދީ، މީހަކާ ވެސް ދެވީ އާއިލާ އަށް އުފާވެރިކަން ގެނެސްދޭނެކަމުގެ އުންމީދުގަ އެވެ.
Haridwar, Uttarakhand | Parents move court against son&daughter-in-law, demand grandchildren/Rs 5 cr compensation.
They were wedded in 2016 in hopes of having grandchildren. We didn't care about gender, just wanted a grandchild: SR Prasad, Father pic.twitter.com/mVhk024RG3
— ANI UP/Uttarakhand (@ANINewsUP) May 11, 2022
އެކަމަކު މާމަ/ކާފަ ކިޔާނެ ކުއްޖަކަށް ކުރެވޭ އުންމީދު ފިރިހެން ދަރިފުޅާއި އޭނަގެ އަންހެނުން ހަގީގަތަކަށް ހަދައި ނުދިނުމަކީ ވަރަށް ބޮޑު އަނިޔާއެެއް ކަމަށާއި އެ މީހުން ދަރިޔަކު ހޯދަން އެއްވެސް ވަރަކަށް ނޫޅޭ ކަމަށް ބުންޏެވެ. ޕްރަސާދު ބުނީ އުންމީދުކޮށްގެން ތިބި އެ މީހުން ރިޓަޔާކުރާ އިރު، އެކީގައި ކުޅެ، މަޖާކުރާނެ ކާފާ/މާމަ ކިިޔާނެ ކުއްޖަކު އާއިލާގައި ހުންނާނެ ކަމަށެވެ.
I gave my son all my money, got him trained in America. I don't have any money now. We have taken a loan from bank to build home. We're troubled financially& personally. We have demanded Rs 2.5 cr each from both my son & daughter-in-law in our petition: SR Prasad, Father pic.twitter.com/MeKMlBSFk1
— ANI UP/Uttarakhand (@ANINewsUP) May 11, 2022
ޕްރަސާދު ބުނީ އެމެރިކާ އަށް ފޮނުވައިގެން ބޮޑު ހަރަދުކޮށްގެން ޕައިލެޓަކަށް ހަދައި އޭގެ ފަހުން އޭނަގެ ކައިވެންޏާއި ކައިވެނީގެ އަގުބޮޑު ހަދިޔާ އާއި ހަނީމޫން ދަތުރަށް ވެސް އާއިލާ އިން ބޮޑު ހޭދައެއްކޮށްފައި ވާނެ އެވެ. އޭނާ ބުނީ ދަރިފުޅުގެ ޕައިލެޓް ކޯހަށް ވެސް 65،000 ޑޮލަރު ހޭދަކޮށްފައިވާ ކަމަށާއި ކައިވެނީގެ ހަދިޔާއެއްގެ ގޮތުގައި 80،000 ޑޮލަރުގެ ކާރެއްގެ އިތުރުން ގައުމުން ބޭރުން ހަނީމޫން ދަތުރެއް ވެސް ދީފައިވާނެ ކަމަށެވެ.
This case portrays the truth of society. We invest in our children, make them capable of working in good firms. Children owe their parents basic financial care. The parents have demanded either a grandchild within a year or compensation of Rs 5 crores: Advocate AK Srivastava pic.twitter.com/uH04Q8jEua
— ANI UP/Uttarakhand (@ANINewsUP) May 11, 2022
ޕްރަސާދުގެ ދެމަފިރިންގެ ވަކީލު އޭކާ ސްރިވަސްތާވް ވިދާޅުވީ ދަރިފުޅާއި ޅީދަރިފުޅަށް ދައުވާކުރަން ކުރަން ނިންމީ ނަފުސާނީ ގޮތުން ދޭ އަނިޔާތަކާ ހެދި ކަމަށެވެ.
"އެ ދެމަފިރިންގެ ވަރަށް ބޮޑު ހުވަފެނެއް މުސްކުޅިވީ ދުވަހު އުފާކޮށްދޭނެ ކާފަ/މާމަދަރިން ތިބުމަކީ. އެކަމަކު ދަރިފުޅު އެކަމަކާ އެއްވެސް ވަރަކަށް ނޫޅޭތީ ދައުވާކުރީ." އޭނާ ވިދާޅުވި އެވެ.
މި މައްސަލައިގެ ފުރަތަމަ އަޑުއެހުން ހަރިދުވާދުގެ ކޯޓެއްގައި މި މަހުގެ 17 އަށް ވަނީ ތާވަލުކޮށްފަ އެވެ.