ފިލްމީ ދާއިރާ އިން ދުނިޔޭގައި ދެވޭ އެންމެ ޝަރަފުވެރި އެވޯޑް ކަމަށްވާ އޮސްކާގެ 95 ވަނަ އެވޯޑް ހަފުލާގެ ތާރީހު އިއުލާންކޮށްފި އެވެ.
އެ އެވޯޑް އިންތިޒާމުކުރާ އެކަޑެމީ އޮފް މޯޝަން ޕިކްޗާ އާޓްސް އެންޑް ސައިންސެސް (އޭއެމްޕީއޭއެސް) އިން ހުކުރު ދުވަހު ބުނީ އަންނަ އަހަރު ބާއްވާ 95 ވަނަ އޮސްކާ އެވޯޑް ހަފުލާ އޮންނާނީ އަންނަ އަހަރުގެ މާޗް މަހުގެ 12 ގައި ކަމަށެވެ. އޭބީސީ ނެޓްވޯކާ ގުޅިގެން ގެނެސްދޭ ހަފުލާ އަންނަ އަހަރުގެ މާޗަށް ތާވަލުކުރި މިއީ ޖެހިޖެހިގެން މާޗް މަހަށް ހަފުލާ ތާވަލުކުރި ދެވަނަ ފަހަރެވެ.
The 95th Oscars will be held on March 12, 2023.
— The Academy (@TheAcademy) May 13, 2022
މި އަހަރު ބޭއްވި 94 ވަނަ އޮސްކާ އެވޯޑް ހަފުލާ އޮތީ މާޗް މަހުގެ 27 ގަ އެވެ.
Mark your calendars. #Oscars https://t.co/ykjSlC3QWt
— The Academy (@TheAcademy) May 13, 2022
އޭއެމްޕީއޭއެސް އިން ބުނީ އަންނަ އަހަރުގެ އޮސްކާ އަށް ފިލްމުތައް ހުށަހެޅުމުގެ ފުރުސަތު ހުޅުވައިލާނީ މި އަހަރުގެ ނޮވެމްބަރު 15 ގައި ކަމަށެވެ. އަދި ހުށަހަޅާ އުފެއްދުންތަކަށް ދޭ ޕްރިލިމިނަރީ ވޯޓިން ޑިސެމްބަރު 12 ގައި ހުޅުވާލައި، ކެޓަގަރީތަކުން ޝޯޓްލިސްޓްވާ އުފެއްދުންތައް އިއުލާންކުރާނީ ޑިސެމްބަރު 21 ގަ އެވެ.
އޮސްކާ އަށް ހުށަހަޅާ އުފެއްދުންތަކުގެ ނޮމިނޭޝަންތައް އިއުލާންކުރާނީ ޖެނުއަރީ 24 ގަ އެވެ.
މި އަހަރުގެ އޮސްކާ އެވޯޑްސްގެ މޮޅު ފިލްމަކީ ކޮމެޑީ ޑްރާމާ "ކޯޑާ" އެވެ.