އިންތިހާބުގައި ވާދަކުރައްވާ ދެ ކެންޑިޑޭޓުންގެ ފޯރި ގަދަ އަދި ވާދަވެރި ކެމްޕޭނަށް ފަހު ރާއްޖޭގެ އެންމެ ބޮޑު ސިޔާސީ ޕާޓީ އެމްޑީޕީގެ ޗެއާޕާސަންގެ އިންތިހާބު މިއަދު ފަށައިފި އެވެ.
މި އިންތިހާބުގެ ވޯޓުލުން ހެނދުނު 9:00 ގައި ރާއްޖޭގެ ހުރިހާ ހިސާބެއްގައި ފެށި އިރު، ވޯޓްލުން ހަވީރު 4:00 ހަމައަށް ކުރިއަށް ދާނެ އެވެ. އެމްޑީޕީގެ ކުރިމަގު ދެން ބައްޓަންވެގެންދާނެ ގޮތް ކަނޑައެޅިގެން ދާނެ މި އިންތިހާބުގައި ވާދަކުރައްވަނީ އިކޮނޮމިކް މިނިސްޓަރު ފައްޔާޒް އިސްމާއީލާއު ރައްޔިތުންގެ މަޖިލީހުގެ މާފަންނު އުތުރު ދާއިރާގެ މެމްބަރު އިމްތިޔާޒް ފަހުމީ (އިންތި) އެވެ.
މިޕާޓީގެ އެތެރޭގެ އިންތިޚާބު 2022 ގެ ވޯޓުލުން މާލެ އާއި ރަށްރަށުގައި ފެށިގެން ކުރިއަށް ދަނީ #އެމްޑީޕީގެއެތެރޭގެއިންތިޚާބު2022 pic.twitter.com/hk4vkP4Er9
— MDP Secretariat (@MDPSecretariat) May 14, 2022
މި ދެ ކެންޑިޑޭޓުންގެ ސަޕޯޓަރުންގެ މެދުގައި ވެސް ބޮޑު ވާދަވެރިކަމެއް އޮތް އިރު، ފައްޔާޒަކީ ރައީސް އިބްރާހީމް މުހައްމަދު ސޯލިހުގެ ރުހުން އޮތް ކެންޑިޑޭޓެވެ. އަދި އިންތި އަކީ ކުރީގެ ރައީސް މުހައްމަދު ނާޝީދު ވާގިދެއްވާ ކެންޑިޑޭޓެވެ.
މިޕާޓީގެ އެތެރޭގެ އިންތިޚާބު 2022 ގެ ވޯޓުލުން މާލެ އާއި ރަށްރަށުގައި ފެށިގެން ކުރިއަށް ދަނީ #އެމްޑީޕީގެއެތެރޭގެއިންތިޚާބު2022 pic.twitter.com/jKfWpSJ1zE
— MDP Secretariat (@MDPSecretariat) May 14, 2022
އެހެންވެ ގިނަ ބަޔަކު ދެކޭ ގޮތުގައި މި ޗެއާޕާސަންގެ އިންތިހާބަކީ ރައީސް ސޯލިހާއި ރައީސް ނަޝީދުގެ ސިޔާސީ ކުރިމަގު ވެސް ބައްޓަންކޮށްދޭނެ އިންތިހާބަކަށް ވާނެ އެވެ.
14 މެއި 2022 ވާ ހޮނިހިރު ދުވަހުގެ ހެނދުނު 9:00 އިން ހަވީރު 4:00 އަށް ބޭއްވުމަށް ހަމަޖެހިފައިވާ މިޕާޓީގެ އެތެރޭގެ އިންތިޚާބުގެ ވޯޓުލުމަށް ފޮށިތައް މާލެ ސަރަހައްދުގައި ބެހެއްޓުމަށް ހަމަޖެހިފައިވާ މަރުކަޒުތައް https://t.co/5FAAUX3TTp#އެމްޑީޕީގެއެތެރޭގެއިންތިޚާބު2022 pic.twitter.com/ut6OVrlU3t
— MDP Secretariat (@MDPSecretariat) May 13, 2022
ޗެއާޕާސަންގެ އިތުރުން މިއަދު ޕާޓީގެ ބައެއް އެހެން ދެ މަގާމަކަށް ވެސް މީހުން އިންތިހާބުކުރާނެ އެވެ. އެގޮތުން 194 ރަށެއްގައި ވޯޓު ފޮށި ބަހައްޓާފައިވާ އިރު، ޗެއާޕާސަން ހޮވަން 94،211 މެމްބަރުންނަށް ވޯޓުލާނެ އެވެ. އަދި އަންހެނުންގެ ރޫހަށް 41،027 މެމްބަރުންނަށް ވޯޓުލެވޭ އިރު، ޔޫތު ވިންގަށް 32،057 މެމްބަރުންނަށް ވޯޓްލެވޭނެ އެވެ.
ޖުމްލަ 272 ވޯޓް ފޮށި ބަހައްޓާފައިވެ އެވެ.