މިހާރުގެ ސަރުކާރަށް އެއްވެސް ކަމެއް ނުކުރެވޭ ކަމަށާއި އަދި ސަރުކާރުގެ މަސައްކަތުގެ ސްޕީޑް ވެސް ވަރަށް ލަސް ކަމަށް ވިދާޅުވެ މި ސަރުކާރުގެ ކުރީގެ ޓެކްނޮލޮޖީ މިނިސްޓަރު މުޖައްމަދު މަލީހު ޖަމާލު ހުރިހާ ކަމަކުން ސަރުކާރަށް ސުމެއް ކަމަށް ވިދާޅުވެއްޖެ އެވެ.
މަގާމުން ވަކިވެވަޑައިގަތް ފަހުން ރައީސް އިބްރާހީމް މުހައްމަދު ސޯލިހާއި ސަރުކާރަށް ވަރަށް ބޮޑަށް ފާޑު ވިދާޅުވަމުން ގެންދަވާ މަލީހު ކުރެއްވި ޓްވީޓެއްގައި އަށް ކަމެއް ލިސްޓްކުރައްވައި ސަރުކާރަށް ސުމެއް ކަމަށް ވިދާޅުވި އެވެ.
"[އެކަމަކު] އިތުރަށް ސްލޯކުރަން [ރައީސް] ދެވަނަ ދައުރެއް [ވެސް] ބޭނުމޯ." މަލީހު ވިދާޅުވި އެވެ.
ސަރުކާރު ސްލޯ ނޫން.
1.ރިކަވާވި އެސެޓް 0
2. މަރުތަކަށް އިންސާފް 0
3. ބްރިޖް ތަބުތައް 0
4. ތިނަދޫ މީހުން ބޭލުމުގެ ހާދިސާ ނެގުނު އިންޓަވިއު 0
5. އެޅުނު ފްލެޓް 0
6. ހެދުނު ރިސޯޓް 0
7. އެޅުނު ހޮސްޕިޓަލް 0
8. އެޅުނު ސްކޫލް 0
އިތުރަށް ސްލޯކުރުމަށް 2 ވަނަ ދައުރު ބޭނުމޯ.— Mohamed Maleeh Jamal (@maleehjamal) May 17, 2022
އޭނާ ކުރިން ވިދާޅުވެފައިވާ ގޮތުގައި މި ސަރުކާރަކީ ދައުރު ހަމަވާ އިރު "ފްލެޓްގަނޑެއް" ވެސް ނޭޅުނު ސަރުކާރެކެވެ. އެހެންވެ ރައީސް ސޯލިހު ވެރިކަމުން ބާލައި އެމްޑީޕީގެ މެޖޯރިޓީ މަޖިލީހުން ވެސް ދުއްވާލައި ޖެހޭ ކަމަށް ވިދާޅުވެފައިވެ އެވެ.