ޕީޕީއެމާއި ޕީއެންސީން ކުރިއަށް ގެންދާ "އިންޑިއާ އައުޓް" ކެމްޕޭނަށް ހުރަސް އަޅާތީ އެ ކެމްޕޭނުގައި އިސްކޮށް ހުންނެވި ކުރީގެ ރައީސް އަބްދުﷲ ޔާމީން އަނެއްކާ ވެސް ފާޑު ވިދާޅުވެއްޖެ އެވެ.
އިދިކޮޅު ދެ ޕާޓީން މިހާރު ސިލްސިލާކޮށް މާލޭގައި ކުރިއަށް ގެންދާ އެއްވުންތަކަށް ފުލުހުން ހުރަސް އަޅާތީ އެކަމާ ގުޅުވައިގެން ޔާމީން ކުރެއްވި ޓްވީޓެއްގައި ރާއްޖޭގައި ތިބި އިންޑިއާ ސިފައިން ބޭރުކުރަން ގޮވައިލާ އިއްވާ އަޑުތަކަށް ހުރަސް އެޅުމަކީ ވަރަށް ބޮޑު ކަންބޮޑުވުމެއް ކަމަށެވެ.
"އިންޑިއާ އައުޓް" އަކީ ގައުމީ ސަލާމަތަށް ހުރި ނުރައްކަލެއް ކަމަށް ސަރުކާރުން ކަނޑައަޅައި ނެރުނު ރިޔާސީ ގަރާރަކީ ތަންފީޒު ވެސް ކުރެވޭނެ އެއްޗެއް ނޫން ކަމަށް ޔާމީން މިދިޔަ ހަފުތާގައި ވެސް ވިދާޅުވި އެވެ. އެހެންވެ ފުލުހުންގެ ފަރާތުން މިހާރު ފެންނަމުންދާ އަމަލުތައް ބަލައިނުގަނެވޭނެ ކަމަށް ވެސް ވިދާޅުވި އެވެ.
Such repressive control is hitherto unseen.The surrogate forces r hellbent on muffling our voices against the hostile lndian military presence. The raving Hegemon’s desperation 2 subdue its critics breeds more contempt.The vassal is survived by his Gestapo.
— Abdulla Yameen (@prz_ymn) May 19, 2022
އިދިކޮޅުން ރޭ ކުރިއަށް ގެންދިޔަ އެއްވުމަށް ވެސް ފުލުހުން ހުރަސް އަޅައި ހަތް މީހަކު ހައްޔަރުކުރި އެވެ.
އިދިކއޮޅުން އަންނަނީ "އިންޑިއަާ އައުޓް" ދލިޔެފައިވާ ބެނާތައް ވެސް ިދަމައި، އެ އިބާރާތް ހިމެނޭ ލިޔުންތައް މަގުމައްޗަށް އަޅައި އެކި ތަންތަނުގައި ވެސް އެ އިބާރާތް ލިޔަމުންނެވެ.