މި ވަގުތު ދުނިޔޭގެ ބައެއް ގައުމުތަކުގައި ފެތުރެމުންދާ މަންކީޕޮކްސްގެ ސްރީ ލަންކާގައި ފެތުރުމުގެ ބިރެއް ނެތް ކަމަށް އެ ގައުމުން ބުނެފި އެވެ.
މި ވަގުތު އިގުތިސާދީ ބޮޑު އަނދަވަޅެއްގެ ތެރޭގައި ވެސް އޮތް ގައުމުގެ ފެކަލްޓީ އޮފް މެޑިސިންގެ އެލަޖީ، އިމިއުނޮލޮޖީ އެންޑް ސެލް ބައޮލޮޖޯ ޔުނިޓްގެ ޑިރެކްޓަރު ޑރ. ޗަންދިމާ ޖީވަންދަރާ ވިދާޅުވީ މަންކީޕޮކްސް ލަންކާގައި ފެތުރުމުގެ ބިރެއް މި ވަތުތި ނެތް ކަމަށާއި ރައްޔިތުން އެކަމާ އެއްވެސް ވަރަކަށް ކަންބޮޑުވާން ވެސް ނުޖެހޭ ކަމަށެވެ.
Good news of #MonkeyPox 1. specific antivirals available 2.approved 💉 available 3. population, above 45 have at least partial protection as they have received small pox 💉4. As per the current data, It’s not highly contagious as a airborne respiratory 🦠 5.Everyone is proactive.
— Chandima Jeewandara (@chandi2012) May 22, 2022
އޭނާ ވިދާޅުވީ ލަންކާގެ އާބާދީގެ 45 އަހަރުން މަތީގެ މީހުންގެ ތެރެއިން ބޮޑު ނިސްބަތަކީ ކުރިން ސްމޯލްޕޮކްސް ވެކްސިން ދީފައިވާ މީހުންނަށްވާތީ، އެއީ މަންކީޕޮކްސް އިން ދިފާއުވާން ވެސް ލިބޭ ބޭރެއް ކަމަށެވެ. ލަންކާގައި މަންކީޕޮކްސް އަށް ފަރުވޭދޭނެ އެންޓިވައިރަލް ވެސް ލިބެން އެބަހުރި ކަމަށް ޗަންދިމާ ވިދާޅުވި އެވެ.
"އެކަމަކު މި ވަގުތު ބޮޑު ވެކްސިން ޕްރޮގްރާމެއް ކުރިއަށް ގެންދިއުމަކީ ވެސް މުހިއްމު ކަމެއް ނޫން. އާންމުންނަށް ދޭން އޮތް މެސެޖަކީ ކަންބޮޑުނުވާށޭ." އޭނާ ވިދާޅުވި އެވެ.
Anyone who is concerned about Sri Lanka's capacity to test and diagnose #monkeypox : Our lab has all the necessary infrastructure to diagnose and we have already ordered the necessary reagents which will arrive next week.
— Chandima Jeewandara (@chandi2012) May 21, 2022
ދުނިޔޭގެ ސިއްހަތު ޖަމިއްޔާ، ޑަބްލިއުއެޗްއޯ އިން ބުނެފައިވާ ގޮތުގައި މިހާރު 12 ގައުމަކުން މަންކީޕޮކްސްގެ 80 ކޭސް ފެނިފައިވެ އެވެ. އަދި އިތުރު 50 ކޭހެއް ރިޕޯޓްކޮށްފައިވާތީ އެކަން އިތުރަށް ބަލަމުން އަންނަ ކަމަށް ބުންޏެވެ.
ޑަބްލިއުއެޗްއޯ އިން ވަނީ މަންކީޕޮކްސް މުޅި ދުނިޔެ އަށް ފެތުރިދާނެތީ އެކަމަށް ސަމާލުވެ ތިބުމަށް ގޮވާލައިފަ އެވެ.