ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން ވޮލީބޯޅަ ކޭމްޕަކަށް ހުޅުވާލައިފި އެވެ.
އެތަނުން ބުނީ "މައި ހުޅުމާލެ ވޮލީވޯލް ކޭމްޕް 2022" ގެ ނަމުގައި ހުޅުމާލޭގައި އުޅޭ ކުދިންނަށް ހާއްސަކޮށްގެން ބާއްވާ ކޭމްޕްގައި ބައިވެރިވާން ޝައުގުވެރިވާ ކުދިންނަށް މި މަހުގެ 9 އާ ހަމައަށް ކުރިމަތިލާން ހުޅުވާލާފައިވާ ކަމަށެވެ.
މައިހުޅުމާލެ ވޮލީ ބޯލް ކޭމްޕް 2022
އިތުރު މައުލޫމާތު: https://t.co/Lp2JvZfLLy
ގޫގްލް ފޯމްގެ ލިންކް: https://t.co/F1MGv14mHq pic.twitter.com/P9YqPa1FOb— HDC (@hdcmaldives) June 2, 2022
މި ކޭމްޕްގައި ބައިވެރިކުރަން ހަމަޖެއިފައި ވަނީ 50 ކުދިންނެވެ. އެއީ ކޮންމެ ޖިންސަކުން 25 ކުދިންނެވެ. ކޭމްޕް ކުރިއަށް ގެއންދަން ހަމަޖެހިފައި ވަނީ ވޮލީ ފެސްޓިވަލެއްގެ ގޮތުގައި މި މަހުގެ 25 އިން އަންނަ މަހުގެ 5 އަށެވެ. "މައި ހުޅުމާލެ ވޮލީވޯލް ކޭމްޕް 2022" ނިންމައިލަން ހަމަޖެހިފައި ވަނީ ބައިވެރިވާ ކުދިންގެ މެދުގައި ބާއްވާ އެއް ދުވަހުގެ ވޮލީ މުބާރާތަކަށް ވެސް ފަހު އެވެ.
އެޗްޑީސީން ބުނި ގޮތުގައި މި ކޭމްޕްގެ މައިގަނޑު މަގުސަދަކީ ހުޅުމާލޭގައި އުޅޭ ކުދިންގެ މެދުގައި ވޮލީއާ ގުޅޭ އަސާސީ ހުނަރުތައް ދަސްކޮށްދީ، އެ ކުޅިވަރަށް ކުދިންގެ ޝައުގުވެރިކަން އިތުރުކުރުމެވެ. ކޭމްޕްގައި ބައިވެރިވެވޭނީ އުމުރުން 10-16 އަހަރާ ދެމެދުގެ ކުދިންނަށެވެ.