އެންވަޔަރަމަންޓް މިނިސްޓްރީގެ ފަރާތުން އައްޑޫގައި ކުރިއަށް ގެންދާ މަޝްރޫތައް ބައްލަވާލެއްވުމުގެ ދަތުރެއް މިނިސްޓަރު އައިމިނަތު ޝައުނާ ފައްޓަވައިފި އެވެ.
މި ދަތުރުގެ ތެރެއިން މިހާތަނަށް މިނިސްޓްރީގެ މަސައްކަތްތައް ހިނގާ އެކިއެކި ސައިޓްތަކަށް ވަޑައިގެންފައިވެ އެވެ. އެގޮތުން ހުޅުމީދޫ ވޭސްޓް މެނޭޖްމެންޓް ސެންޓަރުގެ މަސައްކަތް ކުރިއަށްދާ ގޮތް ބައްލަވާލައްވައި މުވައްޒަފުންނާއި ބައްދަލުކުރަައްވައި މަސައްކަތަކާ ގުޅޭ ގޮތުން މައުލޫމާތު އޮޅުން ފިލުއްވާފައިވެ އެވެ. އަދި ކުނި ވަކިކޮށްފެން މެނޭޖްކުރުމުގައި ހުޅުމީދޫން ދައްކަމުން އަންނަ ނަމޫނާ ވެސް މިނިސްޓަރު ފާހަގަކުރެއްވި އެވެ.
މިނިސްޓަރ އާމިނަތު ޝައުނާ އައްޑޫސިޓީއަށް ކުރައްވަމުން ގެންދަވާ ދަތުރުފުޅުގެ ތެރެއިން ހުޅުމީދޫ ސްވަރޭޖް ޓްރީޓްމެންޓް ޕްލާންޓްގެ ސީ އައުޓްފޯލް ސަރަހައްދަށް ޒިޔާރަތްކުރައްވައި، ސްވަރޭޖް ޓްރީޓްމެންޓް ޕްލާންޓްގެ މަސައްކަތް ކުރިއަަށް ދާ ގޮތާއި މެދު މަޝްވަރާކުރައްވައިފި pic.twitter.com/VyvW9WfF2W
— Min. of Environment, Climate Change and Technology (@MoEnvmv) June 10, 2022
މީގެ އިތުރުން އެސްޕަޔާ މަޝްރޫއުގެ ދަށުން ހުޅުމީދޫގައި ސޯލާ ޕީވީ ހަރުކުރުމަށް ހަމަޖެހިފައިވާ ސަރަހައްދު ވެސް މިނިސްޓަރު ބައްލަވާލެއްވި އެވެ. އަދި ހުޅުމީދޫ މެދު ބަނދަރުގައި ފްލޯޓިން ސޯލާރ ހަރުކުރުމަށް ހަމަޖެހިފައިވާ ސަރަހައްދަށް ވެސް ވަޑައިގެންނެވި އެވެ.
މިނިސްޓަރ ޝައުނާ އައްޑޫސިޓީއަަށް ކުރައްވަމުން ގެންދަވާ ދަތުރުފުޅުގައި ހުޅުމީދޫ ވޭސްޓް މެނޭޖްމެންޓް ސެންޓަރުގެ މަސައްކަތް ކުރިއަށްދާ ގޮތް، މުވައްޒިިފުންނާއި ބައްދަލުކުރަައްވައި އޮޅުން ފިލުއްވައިފި. ކުނި ސެގްރިގޭޓް ކުރުމުގައި ހުޅުމީދޫއިން ދައްކަމުން އަންނަ ނަމޫނާ ފާހަނގަކުރެއްވި. pic.twitter.com/DD4wqeGiLt
— Min. of Environment, Climate Change and Technology (@MoEnvmv) June 10, 2022
އައްޑޫގައި މިނިސްޓްރީން ކުރިއަށް ގެންދާ މަޝްރޫއުތަކުގެ ތެރޭގައި ކުނިން ހަކަތަ އުފައްދަން ހިތަދޫ މަރުކަޒީ އިންޖީނު ގޭގައި ކުރިއަށް ގެންދާ ބޮޑު މަޝްރޫއެއް ވެސް ހިމެނެ އެވެ. އެކަމަށް ބޭނުންވާ ސިސްޓަމް އިންސްޓޯލްކުރުމުގެ މަސައްކަތް ބާރަށް ކުރިއަށްދާ އިރު، "ވޭސްޓް ޓު އެނާޖީ ޕްލާންޓް" އަކީ ދުވާލަކު 50 ޓަނުގެ ކުނި އަންދައިގެން ހަކަތަ އުފެއްދޭ ފަރުމާކޮށްފައިވާ އެއްޗެކެވެ. އަދި އެއިން 1.5 މެގަވޮޓްގެ ކަރަންޓު އުފައްދާނެ އެވެ. އެ ޕްލާންޓުން އުފައްދާ ކަރަންޓްގެ ތެރެއިން އެއް މެގަވޮޓް އައްޑޫގެ ގުޅިފައިވާ އަވަށްތަކަށް ކަރަންޓްދޭން ފެނަކަ އިން ހިންގާ މަރުކަޒީ އިންޖީނުގެއަށް ފީޑްކޮށްދޭނެ ކަމަށާއި ބާކީ 500 ކިލޯވޮޓް ބޭނުން ކުރާނީ ފެސިލިޓީގެ ބޭނުންތަކަށެވެ.
އެސްޕަޔަރ މަޝްރޫއުގެ ދަށުން ހުޅުމީދޫގައި ސޯލާރ ޕީވީ ހަރުކުރުމަށް ހަމަޖެހިފައިވާ ސަރަހައްދު ބައްލަވާލެއްވުމަށް މިނިސްޓަރ ޝައުނާ ޒިޔާރަތްކުރައްވައިފި. މީގެ އިތުރުން ހުޅުމީދޫ މެދު ބަނދަރުގައި ފްލޯޓިންގ ސޯލާރ ހަރުކުރުމަށް ހަމަޖެހިފައިވާ ސަރަހައްދަށްވެސް ވަނީ ޒިޔާރަތްކުރައްވާފައި pic.twitter.com/7ih07cGSK4
— Min. of Environment, Climate Change and Technology (@MoEnvmv) June 10, 2022
މީގެ އިތުރުން ނުރައްކާތެރި ކުންޏާއި ކެމިކަލް ފަދަ ތަކެތި ރައްކާކޮށް މެނޭޖްކުރެވޭ މަރުކަޒެއް ވެސް އައްޑޫގައި ހަދަން އެންވަޔަރަމަންޓް މިނިސްޓްރީން ނިންމާފައިވެ އެވެ.