އައްޑޫގައި އަންނަ އޮގަސްޓް މަހުގެ ތެރޭގައި ރޭސިން އިވެންޓެއް ބާއްވަން ނިންމައިފި އެވެ.
މިކަމާ ގުޅޭ ގޮތުން ރޭސިން އެސޯސިއޭޝަނާއި އައްޑޫ ސިޓީ ކައުންސިލާއި ފުލުހުން އިއްޔެ މަޝްވަރާ ވެސްކޮށްފައިވެ އެވެ.
މޭޔަރު އަލީ ނިޒާރު "އައްޑޫ ލައިވް" އަށް މިއަދު ވިދާޅުވީ އޮގަސްޓް މަހުގެ ތެރޭގައި ރޭސިން އިވެންޓެއް ބާއްވާ އިރު، މިހާރު ވެސް ރޭސިންގެ ކަންކަން ކުރިިއަށް ގެންދެވޭނެ އިންތިޒާމުތަކެއް ރޭސިން އެސޯސިއޭޝަނަށް ހަމަޖައްސައިދީފައިވާ ކަމަށެވެ.
އައްޑޫސިޓީ ކައުންސިލް، ރޭސިންގް އެސޯސިއޭޝަން އޮފް ދި މޯލްޑިވްސް އަދި މޯލްޑިވްސް ޕޮލިސް ސާވިސް އާއި ދެމެދު ބޭއްވުނު ބައްދަލުވުމުގެ ތެރެއިން. މިބައްދަލުވުމުގައި ރޭސިންގް އެސޯސިއޭޝަން އިން ރާސް ޗެމްޕިއަންޝިޕް 2022 ނަމުގައި އިންތިޒާމްކުރާ
1/2 pic.twitter.com/lETrNAwWGX— Addu City Council (@AdduCityCouncil) June 12, 2022
އެހެންވެ އޮގަސްޓް މަހު ބާއްވާ އިވެންޓް ވާނީ ފުލުހުންގެ އެހީތެރިކަން ވެސް ވަރަށް ބޮޑަށް ލިބިގެން ވަރަށް ރައްކާތެރިކަމާ އެކު ބޭއްވޭ އިވެންޓަކަށް ކަމަށް ވިދާޅުވިި އެވެ. އަދި މިިކަމަކީ ރޭސިން އަށް ލޯބިކުރާ އައްޑޫގެ ޒުވާނުންނަށް ވެސް ލިބޭނެ ކުރިއެރުމަކަށް ވާނެ ކަމަށް މޭޔަރު ވިދާޅުވި އެވެ.
ރޭސިންގް މުބާރާތް އައްޑޫސިޓީގައި ބޭއްވުމާއި ގުޅޭގޮތުން މަޝްވަރާ ކުރެވިފައިވޭ. އަދި ޒުވާނުންގެ މުނިފޫހިފިލުވުމަށް ބޭއްވޭ މިފަދަ ހަރަކާތްތަކުގައި އައްޑޫސިޓީ ކައުންސިލްގެ އެއްބާރުލުން ލިބޭނެކަމުގެ ފުރިހަމަ ޔަޤީންކަން މޭޔަރ ޢަލީ ނިޒާރު އެފަރާތައް ވަނީ ދެއްވައިފަ.
2/2— Addu City Council (@AdduCityCouncil) June 12, 2022
"އައްޑޫގައި މިހާރު ތާރު އަޅާފައިވާ މަގުތަކުގެ ތެރެއިން ކޮންމެވެސް މަގެއްގައި މި ރޭސިން އިވެންޓް ބާއްވާނީ. އެކަން ކުރާނީ އެކަމަށް ކަނޑައަޅާ ދުވަސްތަކުގައި ކަނޑައަޅާ ވަގުތުތަކަށް މަގު ބަންދުކޮށް ރައްކާތެރިކަމުގެ ގޮތުން އަޅަން ޖެހޭ ހުރިހާ ފިޔަވަޅުތަކެއް ވެސް އަޅައިގެން،" ނިޒާރު ވިދާޅުވި އެވެ. "އެހެންވެ މިފަދަ އިވެންޓެއް ބޭއްވުމަކީ މާ ބޮޑު އިޝޫއަކަށް ނުވާނެ. މިކަމުގައި ފުލުހުންގެ ސަޕޯޓް ވަރަށް ބޮޑަށް އޮންނާނެ ވެސް މެ."
ރޭސިން އެސޯސިއޭޝަނުން އޮގަސްޓް މަހު ބާއްވާ އިވެންޓަށް ދީފައިވާ ނަމަކީ "ރާސް ޗެމްޕިއަންޝިޕް 2022" އެވެ. ރާއްޖޭގެ ހުރިހާ ސިޓީއަކަށް މި އިވެންޓް އަމާޒުކުރާ އިރު، އައްޑޫގައި އިވެންޓް ކުރިއަށް ގެންދާ ގޮތަށް އޮތީ އޮގަސްޓް 12-13 ގަ އެވެ.