ކ. ގުޅިއަށް ދިމާވެފައިވާ ފެނުގެ މައްސަލަ ހައްލުކުރަން އެ ރަށަށް މިހާރު 65 ޓަނުގެ އާރްއޯ ޕްލާންޓެއް ގެންގޮސްފައިވާ ކަމަށް ސްޓެލްކޯ އިން ބުނެފި އެވެ.
އެ ކުންފުނިން ބުނީ އިއްޔެ ގެންދިޔަ ޕްލާންޓް މި ހަފުތާގެ ތެރޭގައި ކޮމިޝަންކުރެވި، ބޭނުން ކުރަން ފެށުމާ އެކީ ގުޅީގެ ރައްޔިތުންނަށް ފެންވަރު ރަނގަޅު، ފުރިހަމަ ހިދުމަތެއް ލިބެން ފަށާނެ ކަމަށެވެ.
ކ. ގުޅީގެ ފެނާއި ނަރުދަމާގެ ހިދުމަތް ދިނުމަށް މިކުންފުނިން ފެބްރުއަރީ މަހު ހަވާލުވިއިރު، އެރަށުގައި ބެހެއްޓިފައިވާ 40 ޓަނުގެ 2 އާރު.އޯ ޕްލާންޓުން ރަށަށް ބޭނުންވާ ވަރަށް ފެން އުފައްދާ ފޯރުކޮށްދިނުމަށް ދަތިތަކެއް ދިމާވަމުންދާތީ، އެ ހިދުމަތް އެންމެ ފުރިހަމަގޮތުގައި ފޯރުވައިދިނުމަށް pic.twitter.com/cctlWGAdo3
— STELCO (@STELCOMALDIVES) June 24, 2022
ސްޓެލްކޯ އިން ގުޅީގެ ފެނާއި ނަރުދަމާގެ ހިދުމަތް ދިނުމަށް މިދިޔަ ފެބްރުއަރީ މަހުގެ ތެރޭގައި ހަވާލުވި އިރު، އެ ރަށުގައި ބެހެއްޓިފައިވާ 40 ޓަނުގެ ދެ އާރުއޯ ޕްލާންޓުން ރަށަށް ބޭނުންވާ ވަރަށް ފެން އުފައްދާ ފޯރުކޮށް ދިނުމަށް ދަތިތަކެއް ދިމާވަމުންދާ ކަމަށް ބުންޏެވެ. އެހެންވެ ހިދުމަތް އެންމެ ފުރިހަމަ ގޮތުގައި ފޯރުކޮށް ނުދެވޭތީ މިހާރު ގެންދިޔަ ޕްލާންޓާ އެކު މައްސަލަ ހައްލުވާނެ ކަމަށް ބުންޏެވެ.