މިއަދު ވެސް ރާއްޖޭގެ ބައެއް ސަރަހައްދުތަކަށް އުދަ އަރާނެ ކަމަށް ލަފާކޮށް ގައުމީ މޫސުމާ ބެހޭ އިދާރާ އިން ވައިޓް އެލާޓް ނެރެފައިވެ އެވެ.
އެގޮތުން ހއ. އަތޮޅުން ފެށިގެން ތ. އަތޮޅާ ހަމައަށް އެލާޓް ނެރެފައި ވަނީ މެންދުރު ފަހު 2:00 އިން ހަވީރު 6:00 އާ ހަމައަށެވެ. އިއްޔެ ވެސް މުޅި ރާއްޖެ އަށް އުދައަރާނެ ކަމަށް ލަފާކޮށް އެލާޓް ނެރުނެވެ.
ހުކުރު ދުވަހު ރާއްޖޭގެ ދެކުނުގެ ބައެއް ސަރަހައްދުތަކަށް އުދަ އަރައި ބައެއް ރަށްތަކަށް ބޮޑެތި ގެއްލުންތަކެއް ލިބިފައިވެ އެވެ.