ޕީޕީއެމްގެ ކައުންސިލްގެ ނަން މިހާރު "ސެނެޓް" އަށް ބަދަލުކޮށްފައިވާ ކަމަށް އެ ޕާޓީން ބުނެފި އެވެ.
ކުރީގެ ރައީސް އަބްދުﷲ ޔާމީން ލީޑަރަކަށް ހުންނަވާ އަދި ރާއްޖޭގައި ދެވަނަ އަށް މެމްބަރުން އެންމެ ގިނަ ޕާޓީން ބުނީ ކައުންސިލްގެ ނަން "ސެނެޓް އަށް ބަދަލުކޮށް، އައި ހިމެނޭ މެމްބަރުންނަކީ ސެނެޓަރުން ކަމަށް ރޭ ބޭއްވި ކައުންސިލްގެ ބައްދަލުވުމުގައި ފާސްކޮށްފައިވާ ކަމަށެވެ.
PPM ge Council ge nan Senate ah badhal koh council memberunnaky Senators kamah mirey beyvvunu council ge badhdhal vumun faas koffi. pic.twitter.com/zfboyyzCZX
— Progressive Party of Maldives (@ProgressPartyMV) July 3, 2022
ޕީޕީއެމްގެ ކައުންސިގައި މިހާރު ހިމެނެނީ 17 މެންބަރުންނެވެ. އެއީ ފިރިހެން 12 މެމްބަރުންނާއި ފަސް އަންހެން މެމްބަރުންނެވެ. ޕީޕީއެމަކީ މި ވަގުތު ރާއްޖޭގެ އެންމެ ބޮޑު އިދިިކޮޅު ޕާޓީ އެވެ. އަދި ޕީއެންސީ އަކީ އެ ޕާޓީގެ ކޯލިޝަން ބައިވެރިއެކެވެ.
މި ދެ ޕާޓީ ގުޅިގެން މި ފަހުން ސިޔާސީ ގޮތުން އެންމެ ބާރަށް ކުރިއަށް ގެންދާ އެންމެ ބޮޑު އެއް ހަރަކާތަކީ ރާއްޖޭގައި ތިބި އިންޑިއާ ސިފައިން ބާލަން ގޮވާލައި ކުރިއަށް ގެންދާ "އިންޑިއާ އައުޓް" ކެމްޕޭނެވެ.