ރާއްޖޭގެ ރަށްތައް ފެހިކުރުމަށް ބޭންކް އޮފް މޯލްޑިވްސް (ބީއެމްއެލް) އިން ފަށާފައި އޮތް "ބީއެމްއެލް ފެހި ޕްރޮޖެކްޓް" އަށް އެދި ހުށަހެޅުމުގެ ފުރުސަތު މި މަހުގެ 20 އަށް ހަމަވާނެ ކަމަށް އެތަނުން ބުނެފި އެވެ.
ގައުމީ ބޭންކްގެ މި ޕްރޮޖެކްޓަކީ ރާއްޖޭގެ އެކި ހިސާބުތަކުގައި ކޮންމެ އަހަރަކު 50،000 ގަސް އިންދުމެވެ. "ބީއެމްއެލް ފެހި ޕްރޮޖެކްޓް" ހުޅުވާލީ ރަށު ކައުންސިލްތަކާއި ސިޓީ ކައުންސިލްތަކަށެވެ. އެގޮތުން ނާސަރީތަކުން ގަސް ހޯދުމަށް ފަހު، ރަށް އިތުރަށް ފެހިކުރުމަށް ކޮންމެ އަހަރަކު ފަސް ރަށެއް ހޮވައި، ކޮންމެ ރަށަކަށް 10،000 ގަސް ހަދިޔާކުރުމަށް ބޭންކުން ވަނީ ނިންމައިފަ އެވެ.
Introducing BML Fehi Project!🌱
Launched as part of the series of 12 high impact initiatives to celebrate our 40th anniversary, this project will run for 5 years with a commitment to plant 50,000 trees annually.
View more: https://t.co/Jpsp7G57VL pic.twitter.com/jrXipdicg4
— Bank of Maldives (@bankofmaldives) June 22, 2022
މިކަމާ ބެހޭ އިތުރު މައުލޫމާތު ބޭންކުގެ ވެބްސައިޓުން ލިބޭނެ އެވެ.
"ބީއެމްއެލް ފެހި ޕްރޮޖެކްޓް" އަކީ އެ ބޭންކަށް މި އަހަރު 40 އަހަރު ވެސް ފުރޭތީ އެކަމާ ގުޅުވައިގެން ހިންގަން ރޭވި ހަރަކާތްތަކުގެ ތެރެއިން އެއް ޕްރޮޖެކްޓެވެ. އަދި މިއީ މިއީ މި އަހަރުން ފެށިގެން ފަސް އަހަރުގެ މުއްދަތަށް ބީއެމްއެލް އިން ކުރިއަށް ގެންދަން ނިންމާފައިވާ ޕްރޮޖެކްޓެކެވެ.
"ބީއެމްއެލް ފެހި ޕްރޮޖެކްޓް" ލޯންޗްކުރީ މިދިޔަ މަހުގެ 22 ގަ އެވެ.