"ޑެސްޓިނީ" އާއި "ހާލޯ" އާއި "މެރަތަން" ގެ އިތުރުން "މިތު" ފަދަ ވީޑިއޯ ގޭމްތައް އުފެއްދި އެމެރިކާގެ ކުންފުނި ބަންޖީ ޖަޕާނުގެ ސޮނީން ގަނެފި އެވެ.
ސޮނީން އެ ކުންފުނި ގަންނަން އުޅޭ ވާހަކަ އިއުލާންކުރީ މި އަހަރުގެ ޖެނުއަރީ މަހުގެ ތެރޭގަ އެވެ. ޓެކް ޚަބަރުތައް ގެނެސްދޭ މީޑިއާތަކުން ބުނި ގޮތުގައި ބަންޖީ ގަތުމުގެ މުއާމަލާތް ސޮނީން މިހާރު ވަނީ ނިންމާލައިފަ އެވެ. އެކަން ސޮނީން ވެސް ރަސްމީކޮށް އިއުލާންކޮށްފައިވާ އިރު ބުނީ، ބަންޖީ ގަތީ 3.6 ބިލިއަން ޑޮލަރަށް ކަމަށެވެ.
The agreement to acquire Bungie has closed. So now we can officially say… welcome to the PlayStation family, @Bungie! pic.twitter.com/x5jVmelaxl
— PlayStation (@PlayStation) July 15, 2022
ނަމަވެސް އެމެރިކާގެ ސެކިއުރިޓީ އެންޑް އެކްސްޗޭންޖް ކޮމިޝަން (އެސްއީސީ) އަށް ހުކުރު ދުވަހު ސޮނީން ހުށަހެޅި ލިޔެކިޔުންތަކުން ދައްކާ ގޮތުގައި ބަންޖީ ގަތީ ގާތްގަނޑަކަށް 3.7 ބިލިއަން ޑޮލަރަށެވެ.
ބަންޖީން ބުނީ ކުންފުނި ސޮނީ އަށް ވިއްކައިލި ނަމަވެސް ކުރިއެކޭ އެއްގޮތަށް ކުންފުނި އަމިއްމަ ގޭމްތައް ޑިވެލޮޕްކޮށް ނެރޭނެ ކަމަށެވެ. އެ ކުންފުނީގެ ސީއީއޯ ޕީޓް ޕާޒަންސް ވިދާޅުވީ ސޮނީ އަކީ ވަކިން ހާއްސަކޮށް ޕްލޭ ސްޓޭޝަންގެ ހާއްސަ ކުންފުންޏަކަށް ވިޔަސް ބަންޖީ ސޮނީއާ އެކު އެކްސްކްލޫސިވްކޮށް ހަމައެކަނި ޕީއެސްއަކަށް ހުހެއް ނުވާނެ އެވެ.
We are proud to officially join the incredible team at PlayStation, we are excited for the future of our company, and we are inspired to bring together players from all over the world to form lasting friendships and memories.
Per Audacia ad Astra! https://t.co/trVT3s0BTE pic.twitter.com/YQbnLrnAQW
— Bungie (@Bungie) July 15, 2022
ސޮނީން ބުނީ ބަންޖީ ސޮނީގެ ކުޑައިގެ ދަށަށް ދިއުމަކީ ޕީއެސް އިތުރަށް ވަރުގަދަވާނެ ކަމެއް ކަމަށާއި އެ މީހުންގެ ތަޖުރިބާ އާއި އާ ހިޔާލުތަކާއި ވިސްނުންތަކާ އެކީ ސޮނީ އިންޓަރެކްޓިވް އެންޓައިންމަންޓް ބޮޑުތަނުން ވަރުގަދަވާނެ ކަމަށެވެ.
މިހާރު 820 އަށް ވުރެ ގިނަ މުވައްޒަފުން މަސައްކަތްކުރާ ބަންޖީ އަކީ މީގެ 31 އަހަރު ކުރިން 1991 ގައި އުފަންވި ކުންފުންޏެކެވެ.