އައްޑޫގެ ބިން ހިއްކަން ކުރިއަށް ގެންދަން ހަމަޖެހިފައިވާ ބޮޑު މަޝްރޫއާ ގުޅޭ އަމަލީ ކަންކަމަށް އެކަމާ ހަވާލުވެފައިވާ ނެދަލޭންޑްސްގެ ވެން އޫޑް ކުންފުނިން ތައްޔާރުވާން ފަށައިފި އެވެ.
އެގޮތުން މަސައްކަތަށް ބޭނުންވާ ސާމާނުތައް ވެސް އަައްޑު އަށް ގެނައުމުގެ މަސައްކަތް މިހާރު އަންނަނީ ކުރަމުންނެވެ. ބިން ހިއްކުމުގެ އަމަލީ މަސައްކަތް ފެށުމުގެ ކުރިން އެކަމަށް ބޭނުން ވެލި ނަގާނެ ތަނަކާ ގުޅޭ ސާވޭއެއް ވެން އޫޑް ހަދަން ހަމަޖެހިފައިވެ އެވެ.
އައްޑޫ ބިން ހިއްކަން ތައްޔާރީތައް ވަމުން ދިޔަ ނަމަވެސް މިކަމާ ގުޅޭ ގޮތުން ވޯޓަ ސޮލިއުޝަނުން ހެދި އީއަައިއޭ ރިޕޯޓަށް އެންވަރަމަންޓް ޕްރޮޓެކްޝަން އޭޖެންސީ (އީޕީއޭ) އިން އަދިވެސް ހުއްދައެއް ނުދެ އެވެ. އެތަނުން މިދިޔަ މަހު ބުނެފައިވާ ގޮތުގައި ހުއްދަ ދިނުން ލަސްވަނީ ބިން ހިއްކުމުގެ މަޝްރޫއުގެ ސަބަބުން، އައްޑޫގެ ވެއްޓަށް ބޮޑެތި ގެއްލުންތަކެއް ވެދާނެކަމަށް ފާހަގަކޮށްފައިވާތީ އެކަންކަން އުތުރަށް ބަލައި ގެންނަން ޖެހޭ ބައެއް ބަދަލުތައް ގެނައުމުގެ ގޮތުންނެވެ.
#AdduCity bin Hikkumuge masakkaih feshigen kuiryah dhaathee ufaavey! Addu tharaggee ge hurahakah nuvamaa! pic.twitter.com/1Tt17AORhp
— Feydhoo Meehaa (Mohamed Nihad) (@nihad_m) July 23, 2022
ބިން ހިއްކުމުގެ މަޝްރޫއު ވެން އޭޑްއާ ސަރުކާރުން ހަވާލުކުރީ މިދިޔަ މާޗް މަހުގެ 27 އެވެ. އެ ކުންފުނިން ބުނެފައިވާ ގޮތުގައި މި މަޝްރޫއާ ގުޅޭ ނާޒުކު ކަންކަން ހުރުމާ އެކީ ބިން ހިއްކުން ކުރިއަށް ގެންދާނީ ވަރަށް ބޮޑަށް ބަލައިގެން ފަރުވާތެރިކަމާ އެކީގަ އެވެ. އެހެންވެ ކަމާ ގުޅޭ ތަޖުރިބާކާރުންގެ ފަންނީ ލަފާ ވެސް ހޯދާނެ ކަމަށް އެ ކުންފުނިން ބުންޏެވެ.
Addu thaareekh gai hingaa emme biya bodu bin hikkumuge mashooru fashan Netherlands ge Van Oord ge thayyaree tha addu feydhoo minivan javvun baarah kuriah #HapsNow @nihad_m pic.twitter.com/z0QcIUY3EX
— Addu -X- Files (@adduXfiles) July 23, 2022
އައްޑޫ ބިން ހިއްކުމަކީ އިންޑިއާގެ އެގްޒިމް ބޭންކްގެ 800 މިލިއަން ޑޮލަރުގެ ލައިން އޮފް ކްރެޑިޓް (އެލްއޯސީ) ގެ ދަށުން ހިންގާ މަޝްރޫއެކެވެ.
އައްޑޫގެ ބިން ހިއްކުމާ ގުޅޭ މުހިއްމު ބައެއް ކަންކަން:
* ޖުމްލަ 194.3 ހެކްޓަރުގެ ބިން ހިއްކާނެ
* ޖުމްލަ 11 ކިލޯމީޓަރު ސަރަހައްދެއްގައި ގޮނޑުދޮށް ހިމާޔަތްކުރާނެ
* ހިތަދޫން 90 ހެކްޓަރުގެ ބިން ހިއްކާނެ
* ހުޅުމީދޫން 23.3 ހެކްޓަރުގެ ބިން ހިއްކުމާއި ޓޫރިޒަމަށް ހާއްސަކޮށްގެން ފަސް ހެކްޓަރުގެ ދެ ރަށް ހިއްކުން
* މަރަދޫ/މަރަދޫފޭދޫން 76 ހެކްޓަރުގެ ބިން ހިއްކާނެ
* ޓޫރިޒަމަށް ހާއްސަކޮށްގެން ފަޅުތެރެއިން ހިއްކައިގެން އުފައްދާ 8.3 ހެކްޓަރުގެ ތިން ރަށާއި 3.3 ހެކްޓަރުގެ ދެ ރަށް ހިއްކުން
* މަޝްރޫއަށް 1.3 ބިލިއަން ރުފިޔާ ހޭދަވާނެ
* މަސައްކަތް 18 މަސް ދުވަހުގެ ތެރޭގައި ނިންމާނެ
މިއީ އައްޑޫގައި ބިން ހިއްކަން މިހާތަނަށް ކުރިއަށް ގެންދާ އެންމެ ބޮޑު މަޝްރޫއެވެ. އައްޑޫ ސިޓީ ކައުންސިލުން ބުނި ގޮތުގައި މި މަޝްރޫއުގެ ސަބަބުން މިހާރު އައްޑު އަށް އޮތް ބިމުގެ ދަތިކަން ކުރިއަށް 50 އަހަރަށް ހައްލުވާނެ އެވެ.