ރާއްޖޭގައި ބާއްވާ އެންމެ އަންހެން ބާސްކެޓްބޯޅަ ބޮޑު މުބާރާތް، "ސާވާ ވިމެންސް ބާސްކެޓްބޯލް ޗެމްޕިއަންޝިޕް" މި މަހު 24 ގައި ފަށަން ނިންމައިފި އެވެ.
ހަ ގައުމު ވާދަކުރާ މި މުބާރާތް ކުރިއަށްދާނީ މި މަހުގެ 24-30 އަށެވެ. ނިޔަލަށެވެ. ރާއްޖޭގެ އިތުރުން މުބާރާތުގައި ވާދަކުރަނީ ސާކްގައި ހިމެނޭ ބޫޓާން، އިންޑިއާ، ސްރީލަންކާ، ބަންގްލަދޭޝް އަދި ނޭޕާލް އެވެ.
A joint press conference given by Minister @ahmedmahloof and Maldives Basketball Association regarding the SABA women’s championship to be held in Maldives from 24 – 30th September.
Do visit social centre & show your support to our women’s national basketball team. 🇲🇻 🏀👏 pic.twitter.com/Vczu0ar8EI
— Ministry of Youth,Sports and Community Empowerment (@MoYSCEmv) September 17, 2022
މި މުބާރާތާ ބެހޭ ގޮތުން ގައުމީ ޓީމުގައި ހިމެނޭ އާމިނަތު ޝިއުރާ އަބްދުލް ބާރީ ބުނީ މި ފަހަރު ދިވެހި ސަޕޯޓަރުން ކުރިމަތީ މުބާރާތް ކުޅުމަކީ ލިބޭނެ ހިތްވަރެއް ކަމަށާއި ދިވެހި ސަޕޯޓަރުން މުބާރާތް ކުޅޭ ސޯޝަލް ސެންޓަރުގެ އިންޑޯ ހޯލް ފުރާލައި ޓީމަށް ތަރުހީބު ދިނުމަށް އެދޭ ކަމަށެވެ.
"ވަރަށް ބޮޑަށް އެދެން ޓީމުގެ ފަރާތުން ވީހާވެސް ގިނަ ބަޔަކު އައިސް ސޯޝަލް ސެންޓަރުގެ އިންޑޯ ފުރާލަދިނުން،" އޭނާ ބުންޏެވެ. "އެ ވާނެ ވަރަށް ބޮޑު ހިތްވަރަކަށް. އަދި އޭގެ ސަބަބުން ރަނގަޅު ނަތީޖާއެއް ނެރެން ވަރަށް އެދެވިގެންވޭ އެ ސަޕޯޓާ އެކީގައި."
— Ministry of Youth,Sports and Community Empowerment (@MoYSCEmv) September 17, 2022
މެދުކެނޑުމަކަށް ފަހު ރާއްޖޭގައި "ސާބާ ޗެމްޕިއަންޝިޕް" ބާއްވަނީ ބާސްކެޓްބޯޅަ އެސޯސިއޭޝަނާއި ޔޫތު މިނިސްޓްރީ ގުޅިގެންނެވެ.
"ސާބާ ވިމެންސް ބާސްކެޓްބޯޅަ މުބާރާތް" އެންމެ ފުރަތަމަ ބޭއްވީ 2016 ވަނަ އަހަރު ނޭޕާލުގެ ކަތުމަންޑޫގަ އެވެ. ދެވަނަ މުބާރާތް ރާއްޖޭގައި ބާއްވާ އިރު، މުބާރާތަށް ތައްޔާރުވުމުގެ ގޮތުން ގައުމީ އަންހެން ބާސްކެޓްބޯޅަ ޓީމުން އިންޑިއާ އާއި ތައިލެންޑުގައި ކޭމްޕްކޮށް އެކުވެރިކަމުގެ މެޗުތަކެއް ކުޅެފައިވެ އެވެ.
ރާއްޖޭގެ އަންހެން ބާސްކެޓްބޯޅަ ޓީމު 2016 ގައި ކަތުމަންޑޫގައި އޮތް ސާބާ ޗެމްޕިއަންޝިޕްގައި ލޯ މެޑަލް ހޯދާފައިވެ އެވެ. އަދި 2019 ގައި ކަތުމަންޑޫގައި އޮތް ސައުތު އޭޝިއަން ގޭމްސްގައި ވެސް އަންހެން ޓީމު ލޯ މެޑަލް ހޯދި އެވެ.