މިދިޔަ މަހުން ފެށިގެން ހޮސްޕިޓަލްގައި އެޑްމިޓްކޮށް ފަރުވާ ދެމުން އަންނަނިކޮށް އިންޑިއާގެ މަޝްހޫރު ކޮމީޑިއަން ރާޖޫ ޝްރިވަސްތާވް މިއަދު މަރުވެއްޖެ އެވެ.
އޭނަގެ މަރުހެ ޚަބަރާ އެކީ ވަރަށް ގިނަ ބަޔަކު މިހާރު އަންނަނީ ސޯޝަލް މީޑިއާގައި ހިތާމަފާޅުކުރަމުންނެވެ. ރާޖޫ އަށް ހާޓްއެޓޭކެއް ޖެހިގެން ނިއު ދިއްލީގެ އެއިމްސް ހޮސްޕިޓަލްގައި އެޑްމިޓްކުރީ މިދިޔަ މަހުގެ 10 ގަ އެވެ. އޭގެ ފަހުން 58 އަހަރުގެ ކޮމީޑިއަން އަށް ފަރުވާ ދެމުން އައީ އައިސީޔޫގަ އެވެ.
In your lifetime you gifted us laughs & more laughs, on & off the screen. Your untimely demise makes me very sad.
RIP Raju. 🕉 Shanti.
May the Almighty give your family strength in this hour of bereavement 🙏 pic.twitter.com/RWG6AcHrid— Ajay Devgn (@ajaydevgn) September 21, 2022
އިންޑިއާގައި އުފެދުނު އެންމެ ހުނަރުވެރި ކޮމީއަޑިއަނުންގެ ތެރޭގައި ހިމެނޭ ރާޖޫ ވަނީ މިދިޔަ މަހު ސޮނީ ޓީވީން ނިންމާލި "އިންޑިއާސް ލާފްޓާ ޗެމްޕިއަންސް" ގައި ވެސް މެހުމާނެއްގެ ގޮތުގައި ބައިވެރިވެފަ އެވެ. މިހާތަނަށް ވަރަށް ގިނަ ކޮމެޑީ ޝޯތަކުން ފެނިފައިވާ ރާޖޫ ބައެއް ފިލްމުތަކުގައި ވެސް މަސައްކަތްކޮށްފައިވެ އެވެ.
އޭގެ ތެރޭގައި "މޭނޭ ޕިޔާރު ކިޔާ"، "ބާޒީގަރް" އަދި "ބޮމްބޭ ޓު ގޯއާ" ހިމެނެ އެވެ.
ރާޖޫ މަރުވި އިރު އަންބަކާއި ދެ ކުދިން ދުނިޔޭގައި އެބަތިއްބެވެ.