އިންޑިއާ އިން ރާއްޖެ އަށް ދޭން ނިންމި 100 މިލިއަން ޑޮލަރުގެ އެހީގެ އެއްބަސްވެއްމުގައި މިއަދު ސޮއިކޮށްފި އެވެ.
މި އެހީ ދިނުމުގެ އެއްބަސްވުމުގައި ސޮއިކޮށްފައި ވަނީ އިންޑިއާގެ ފޮރިން ސެކްރެޓަރީ ވިނޭ މޯހަން ކަވަޓްރާ މިހާރު ރާއްޖެއަށް ކުރައްވަމުން ގެންދަވާ ރަސްމީ ދަތުރުގެ ތެރެއިންނެވެ. އިންޑިއާގެ އެގްޒިމް ބޭންކުގެ ލައިން އޮފް ކްރެޑިޓްގެ ތެރެއިން ފޯރުކޮށްދޭ 100 މިލިއަން ޑޮލަރު މި އެހީ ދިނުމުގެ އެއްބަސްވުމުގައި އިންޑިއާގެ ފަރާތުން ސޮއިކުރެއްވީ އެ ޤައުމުގެ އެގްޒިމް ބޭންކުގެ ޖެނެރަލް މެނޭޖަ ނިރްމިތު ވެޑް އެވެ.
Foreign Secretary of #Maldives @ForeignSecMV welcomes Foreign Secretary of #India, H.E. Vinay Mohan Kwatra and discussed means to broaden the bilateral and multilateral cooperation between 🇲🇻 and 🇮🇳 in areas of mutual interest. pic.twitter.com/F8HAhZgxSH
— Ministry of Foreign Affairs 🇲🇻 (@MoFAmv) October 2, 2022
ރާއްޖޭގެ ފަރާތުން ފަރާތުން ސޮއިކުރެއްވީ ފިނޭންސް މިނިސްޓަރު އިބްރާހީމް އަމީރެވެ.
The Maldives and India exchange agreement for USD 100 million Line of Credit to assist and facilitate ongoing key infrastructure projects in the Maldives. India continues to support the long-term development and progress of the Maldives. pic.twitter.com/BSZzGnWGST
— Ministry of Foreign Affairs 🇲🇻 (@MoFAmv) October 2, 2022
އިންޑިއާއިން ލައިން އޮފް ކްރެޑިޓްގެ ތެރެއިން އިތުރު 100 މިލިއަން ޑޮލަރު ދޭން ނިންމިކަން އިއުލާންކުރީ މިދިޔަ އޮގަސްޓް މަހުގެ ތެރޭގައި ރައީސް އިބްރާހީމް މުހައްމަދު ސޯލިހު އިންޑިއާ އަށް ކުރެއްވި ދަތުރުގެ ތެރޭގަ އެވެ.
މިނިސްޓަރު އަމީރު ވިދާޅުވީ އިންޑިއާ އިން ދިން އެހީ އަކީ ރާއްޖޭގައި މިހާރު ހިނގަމުންދާ ޢުމްރާނީ ތަރައްގީގެ މުހިންމު ގިނަ މަޝްރޫޢުތަކަށް އެހީތެރިވެދިނުމުގެ ގޮތުން ފޯރުކޮށްދިން އެހީއެކެވެ.