ޅ. ކުރެންދޫގައި އަލަށް އިމާރާތްކުރާ މިސްކިތުގެ ބިންގާ އިސްލާމިކް މިނިސްޓަރު ޑރ. އަޙްމަދު ޒާހިރު ޢަލީ އަޅުއްވައި ދެއްވައިފި އެވެ.
އިއްޔެ އެ ރަށުގައި މިސްކިތުގެ ޢަމަލީ މަސައްކަތް ފެށުމަށް ބޭއްވި ރަސްމިއްޔާތުގައި ކުރެންދޫ ދާއިރާގެ މެންބަރު ޢަބްދުލް ޣަނީ ޢަބްދުލް ހަކީމާއި، ކުރެންދޫ ކައުންސިލުގެ ރައީސް އިސްމާޢީލް މަދީހު ވެސް ބައިވެރިވެވަޑައިގެންނެވި އެވެ.
މިނިސްޓަރ އޮފް އިސްލާމިކް އެފެއާޒް ޑރ. އަޙްމަދު ޒާހިރު ޢަލީ ، ޅ.ކުރެންދޫގައި އަލަށް ޢިމާރާތްކުރާ މިސްކިތުގެ ޢަމަލީ މަސައްކަތް ފައްޓަވައި ދެއްވުން pic.twitter.com/ZpFLr6Iehj
— Ministry of Islamic Affairs (@MVIaffairs) October 22, 2022
އެ މިސްކިތް އިމާރާތްކުރަން މިމްސް ކޮންސްޓްރަކްޝަނާ ހަވާލުކުރީ މި އަހަރުގެ މެއި މަހުގެ 11 ގަ އެވެ. މަސައްކަތް ފަށާތާ އަހަރެއްގެ ތެރޭގައި ނިންމާ ގޮތަށް މި މަސައްކަތް ޙަވާލުކުރީ 14,2 މިލިއަން ރުފިޔާއަށެވެ.
ކުރެންދޫ މޮ މިސްކިތަކީ ފިރިހެނުންނާއި އަންހެނުންނަށް ވެސް ނަމާދުކުރެވޭ ގޮތަށް އިމާރާތްކުރާ 700 މީހުންގެ ޖާގައިގެ މިސްކިތެކެވެ.