މިރޭ އައްޑޫގައި ބާއްވަން ހަމަޖެހިފައިވާ ދަރުހަށް މަޝްހޫރު ދީނީ އިލްމުވެރިޔާ މުފްތީ މެންކް އައްޑު އަށް ވަޑައިގެންފި އެވެ.
މެންކް އާއި އިސްލާމިކް މިނިސްޓްރީގެ ޓީމަށް އައްޑޫން މަރުހަބާކީ އައްޑޫ ސިޓީ ކައުންސިލްގެ މެމްބަރުންނެވެ. މެންކްގެ ދަރުސް މިރޭ އޮންނާނީ ހިތަދޫގައި ހުންނަ އައްޑޫ ހައި ސްކޫލްގަ އެވެ. މިރޭ 8:45 ގައި ފަށާ އެ ދަރުހުގެ މައުޟޫއަކީ "ޕްރޮޑަކްޓިވް މުސްލިމް" ނުވަތަ "އުފެއްދުންތެރި މުސްލިމް" އެވެ.
ދަރުސް ދެއްވުމަށް މުފްތީ މެންކް ރާއްޖޭގެ އެންމެ ދެކުނަށް ކުރައްވަމުންދާ ދަތުރުފުޅުގައި އައްޑޫ ސިޓީއަށް ވަޑައިގަތުން.
މިރޭ އައްޑޫ ސިޓީގައި މުފްތީ މެންކްގެ ދަރުސް އޮންނާނެ. ދަރުސް އޮންނާނީ އައްޑޫ ހައި ސްކޫލުގައި ރޭގަނޑު 8:45 ގައި pic.twitter.com/9njtIcX1ob— Ministry of Islamic Affairs (@MVIaffairs) October 30, 2022
މުފްތީ މެންކް ރޭ ފުވައްމުލަކުގައި އަދި މިދިޔަ ހުކުރު ދުވަހުގެ ރޭ މާލޭގައި ވެސް ދަރުސް ދެއްވާފައިވެ އެވެ.
އިސްލާމިކް މިނިސްޓްރީގެ ދައުވަތަކަށް ޒިމްބާބުވޭގެ ދީނީ އިލްމުވެރިޔާ ރާއްޖެ އަށް ކުރައްވާ ދަރުސް ޓުއާ ނިންމައިލާނީ މާދަމާ ރޭ ހުޅުމާލޭގައި ބާއްވާ ދަރުހާ އެކީގަ އެވެ.
MUFTI MENK IN MALDIVES
📌 Productive Muslim
🏛 Addu City – Addu High School
🗓 Date: 30 October 2022 (tonight)
⏰ Time: 20:45#muftimenkmv2022 pic.twitter.com/Vm1Nu8eT4L— Ministry of Islamic Affairs (@MVIaffairs) October 30, 2022
މުފްތީ މެންކް މިރޭ އައްޑޫގައި ދަރުސް ދެއްވާ އިރު، އޭނަ 2018 ގައި ރާއްޖެ އަށް ކުރެއްވި ދަތުރުގައި ވެސް އައްޑޫގައި ދަރުސް ދެއްވި އެވެ.