ހުޅުމާލޭ ދެވަނަ ފިޔަވަހީގައި އަމިއްލަ ދެ ކުންފުންޏަކުން ދެ މިސްކިތެއް ބިނާކުރުމަށް މިއަދު އެ ކުންފުނިތަކާ ބިން ހަވާލުކޮށްފި
އެވެ.
އެ ދެ ކުންފުންޏަކީ ސަން ފްރޮންޓާއި ވެލިގާ ހާޑްވެއާ އެވެ.
ސަން ފްރަންޓުން ބިނާކުރާ މިސްކިތަކީ ޒަމާނީ އަދި އިސްލާމީ ތަރިކަ ރަމްޒުކޮށްދޭ ގޮތަށް ފަރުމާކޮށްފައިވާ މިސްކިތެކެވެ. މި މިސްކިތް ބިނާކުރުމަށް ބޭނުންވާ ބިން ޙަވާލުކުރުމުގެ އެއްބަސްވުމުގައި ހައުސިން ޑިވެލޮޕްމަންޓް ކޯރޕަރޭޝަން އެޗްޑީސީ) ގެ ފަރާތުން ސޮއިކުރެއްވީ މެނޭޖިން ޑިރެކްޓަރު އަހުމަދު އާތިފެވެ. ސަން ފްރަންޓްގެ ފަރާތުން ސޮއިކުރެއްވީ އެ ކުންފުނީގެ މެނޭޖިން ޑިރެކްޓަރު މުހައްމަދު ރަޝާދު އާދަމެވެ.
Our heartfelt gratitude goes to @MoEdumv, @Batchconstruction, @islanders_edu, @SunFront_MV and @Veligaahardware for facilitating these establishments that not only contribute to the growth of our nation’s economy but also ease the livelihood of #MyHulhumalé residents. 2/3 pic.twitter.com/2qiv9fUQy9
— HDC (@hdcmaldives) November 13, 2022
ސަން ފްރޮންޓާ ހަވާލުކުރީ 22،900 އަކަފޫޓޫގެ ބިމެކެވެ. އަދި އެއީ 2000 މީހުންގެ ޖާގައިގެ މިސްކިތެކެވެ.
ވެލިގާ ހާޑްވެއާ އިން ބިނާކުރާ މިސްކިތުގެ އެއްބަސްވުމުގައި އެ ކުންފުނީގެ ފަރާތުން ސޮއިކުރެއްވީ އެކުންފުނީގެ މެނޭޖިން ޑިރެކްޓަރު މުޙައްމަދު އަބޫބަކުރެވެ.
ޒަމާނީ ރީތި ފަރުމާއަކަށް ބިނާކުރާ މި މިސްކިތް އެޅުމަށް 15،400 އަކަފޫޓުގެ ބިމެއް ހަމައްސާފައިވެ އެވެ. އަދި މިއީ 2،200 މީހުންގެ ޖާގައިގެ މިސްކިތެކެވެ.