ވޯލްޑް ކަޕާ ދިމާކޮށް ކީރިތި ރަސޫލާގެ ހަދީޘްތައް ފެންނަ ބޯޑުތަކުން މުބާރާތް ބާއްވާ ގައުމު ކަމަށްވާ، ގަތަރު ފުރާލައިފި އެވެ.
ވޯލްޑް ކަޕް މި މަހު 20 ގައި ފަށާއިރު ވޯލްޑް ކަޕްގެ މަސައްކަތުގައި އުޅޭ ގިނަ މީހުންނަށް އެކަށީގެންވާ ގޮތެއްގައި ރައްކާތެރިކަން ކަށަވަރު ނުކޮށްދޭތީ އާއި އެއްޖިންސުން ގުޅުން ހިންގާ މީހުންގެ ހައްގުތަކާއި މެދު ގަތަރުން ގެންގުޅޭ ސިޔާސަތަށް ޔޫރަޕްގެ ގިނަ ގައުމުތަކެއްގެ ފާޑުކިޔުން ވަނީ އަމާޒުވެފަ އެވެ.
އެކި ގޮތްގޮތުން ކިޔަމުންދާ ފާޑުކިޔުންތަކާ އެކު ވެސް ވޯލްޑް ކަޕަށް ގަތަރުން އެންމެ ފަހުގެ ތައްޔާރީތައް އަންނަނީ ވަމުންނެވެ. އެގޮތުން މުބާރާތަށް ގައުމު ޒީނަތްތެރި ކުރުމުގެ މަސައްކަތް ބާރަށް ކުރިއަށްދާ އިރު އެންމެ ފާހަގަކޮށްލެވޭ އެއް ކަމަކީ ރަސޫލާގެ ހަދީޘްތަކާއި އޭގެ މާނަ ފެންނަ ބޮޑެތި ބޯޑުތައް ގަތަރުގެ އެކި ހިސާބުތަކުގައި ބަހައްޓަން ފެށުމެވެ.
There are billboards of sayings from the Prophet Muhammad (pbuh) popping up all over Qatar in ahead of the World Cup. pic.twitter.com/8VgiBoyPwZ
— Khaled Beydoun (@KhaledBeydoun) November 5, 2022
މިއީ ވޯލްޑް ކަޕް ގަތަރަށް އަންނަ މީހުން އިސްލާމްދީނަށް އަހުލުވެރި ކުރުވުމުގެ ގޮތުން ކުރާ ކަމެކެވެ. ވޯލްޑް ކަޕް ބެލުމަށް ދުނިޔޭގެ އެކި ކަންކޮޅުތަކުން މިލިއަނަކަށް ވުރެ ގިނަ މީހުން ގަތަރަށް ދިޔުމަށް ވަނީ ހަމަޖެހިފަ އެވެ.
Qatar has placed murals around various locations displaying quotes of the Prophet Pbuh pic.twitter.com/nGGcyhNPoj
— Amz (@AmzBoogie) November 6, 2022
މިފަހަރުގެ ވޯލްޑް ކަޕަކީ އަރަބި ގައުމެއްގައި ވޯލްޑް ކަޕް ބާއްވާ ފުރަތަމަ ފަހަރެވެ.
ވޯލްޑް ކަޕްގެ 64 މެޗު ކުޅުމަށް ގަތަރުން މުޅިން އަލަށް ހަތް ސްޓޭޑިއަމެއް އިމާރާތްކޮށްފައިވާ އިރު ވޯލްޑް ކަޕަށް ހާއްސަކޮށް މުޅިން އާ އެއާޕޯޓުތަކާއި 100 އަށް ވުރެ ގިނަ ހޮޓެލްތައް ވެސް އިމާރާތްކޮށްފައިވެ އެވެ.
Qatar Displays Prophet Muhammad SAW Hadiths At FIFA 2022 World Cup Venues !
Qatar government displayed murals of Hadiths of Holy Prophet SAW in a bid to introduce the incoming fans, from all over the world, to islam. #FIFA23 pic.twitter.com/qWx3UTVEP9
— Coffee lover (@cricketlover313) November 5, 2022
ޖުމްލަ 32 ޓީމު ވާދަކުރާ ވޯލްޑް ކަޕް ކުރިއަށްދާނީ މި މަހުގެ 20 އިން އަންނަ މަހުގެ 18 ގެ ނިޔަލަށެވެ.