ދަރިވަރުންނަށް އަރަބި ބަސް އުނގަންނައި ދިނުމުގެ ހާއްސަ ޕްރޮގްރާމެއް އިލްމު އިންސްޓިޓިއުޓުން ފަށައިފި އެވެ.
ޢަރަބި ބަސް ދަސްކޮށް ދިނުމުގެ ޕްރޮގްރާމް ހާއްސަކޮށްފައި ވަނީ 7-16 އަހަރާ ދެމެދުގެ އުމުރުފުރާގެ މަދަރުސީ ތަޢުލީމު ހާސިލުކުރަމުންދާ ދަރިވަރުންނަށެވެ. ޕްރޮގްރާމްގައި ކިޔަވަމުން ދަނިކޮށް 16 އަހަރު ފުރޭ ދަރިވަރުން، ޢިލްމު އިންސްޓިޓުއުޓްގެ އެމްކިޔުއޭ ޢަރަބި ކޯސްތަކަށް ބަދަލުވާން އެދޭ ނަމަ، އެ ފުރުސަތު ފަހިކޮށްދޭނެ އެވެ.
ކުލާސްތައް ކުރިއަށް ގެންދަން ހަމަޖެހިފައި ވަނީ ހަފުތާއަކު ފަަސް ދުވަހު އެވެ. ފީ އަކީ މަހަކު 800ރ. އެވެ. ޕްރޮގްރާމްގައި ބައިވެރިވުމުގެ ފުރުސަތު މިހާރު ވަނީ ހުޅުވާލައިފަ އެވެ.
އުމުރުން 7 އަހަރާއި 16 އަހަރާ ދެމެދުގެ ޖީލަށް ޢަރަބި ބަސް އުނގަންނައި ދިއުމުގެ ބޮޑު މަޝްރޫޢު އިލްމު އިންސްޓިޓިއުޓުން އިޢުލާންކޮށްފި pic.twitter.com/xt2HPuTKvC
— Ilm Institute (@ilminstitutemv) November 15, 2022
މިއީ ދިވެހ މުޖުތަމަޢުގައި އަރަބި ބަހަށް އަހަންމިއްޔަތުކަން ދޭ މިންވަރު އިތުރުކޮށް، މަދަރުސީ ތައުލީމު ހާސިލުކުރަމުން އަންނަ ދަރިވަރުންނަށް އަރަބި ބަސް އުނގަންނައި ދިނުމަށް ފެށި މަސައްކަތެކެވެ. ޢަރަބި ބަސް ދަސްކޮށްދޭން ހިންގާ މުޅި ޕްރޮގްރާމް ނިމޭ އިރު، އަރަބި ބަހުން މުޢާމަލާތް ކުރުމާއި އަރަބި ބަހުން ލިޔެފައިވާ ތަކެތި ފަހުމްވުމަށް ބޭނުންވާ ހުނަރު ދަސްކޮށްދެ ދެވޭނެ އެވެ.
އުމުރުން 7 އަހަރާއި 16 އަހަރާ ދެމެދުގެ ޖީލަށް ޢަރަބި ބަސް އުނގަންނައި ދިއުމުގެ ބޮޑު މަޝްރޫޢު އިލްމު އިންސްޓިޓިއުޓުން އިޢުލާންކޮށްފި pic.twitter.com/KBuBNZN1lX
— Ilm Institute (@ilminstitutemv) November 15, 2022
އަދި އަރަބި ބަހުން އޯ ލެވެލް އިމްތިހާނު ހަދަން ބޭނުންވާ ދަރިވަރުންނަށް އެ އިމްތިޙާނު ހަދައި، މަތީ ނަތީޖާއެއް ހޯދޭ ފެންވަރު އެ ކުދިންގެ ކިބައިގައި ހުންނާނެ ކަމަށް ޢިލްމު އިންސްޓިޓިއުޓުން ބުންޏެވެ. އެ އިންސްޓިޓިއުޓަކީ ކުރީގެ އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު އިސްކޮށް ހުންނަވައިގެން ހިންގާ ތަނެކެވެ.
އެތަނުން ބުނީ އަރަބި ދަސްކޮށްދޭން ހިންގާ ޕްރޮގްރާމަކީ ބައިނަލްއަގވާމީ ގޮތުން ފާހަގަކޮށްލެވޭ މުގައްރަރެއްގެ ތެރެއިން، މަރުޙަލާތަކަކަށް ބަހާލެވިގެން ފަރުމާކޮށްފައިވާ ޕްރޮގްރާމެއް ކަމަށެވެ.