ރާއްޖޭގައި އަލަށް ބާ އިމްތިހާނު ބާއްވައިފިއެވެ.
ބާ ކައުންސިލުން ބުނީ އިއްޔެ އިމްތިހާނި ބޭއްވީ މާލެ އާއި އައްޑޫގައި ކަމަށެވެ. އެގޮތުން އިމްތިހާނުގެ ހެނދުނާއި މެންދުރު ފަހުގެ ސެޝަންތަކަށް 176 މީހަކު ހާޒިރުވިކަމަށާއި، މިއީ އިމްތިހާނަށް ރަޖިސްޓްރީވި ކެންޑިޑޭޓުންގެ 98.3 ޕަސެންޓް ކަމަށް ބުންޏެވެ.
އިމްތިހާނުގައި އަހަރުގެ ސިލަބަހުގައި ހިމެނޭ ދާއިރާތަކުން ދިވެހި ބަހާއި އިނގިރޭސި ބަހުން 120 ސުވާލެއް ހިމަނާފައިވާ ކަމަށް ބާ ވެސް ކައުންސިލުން ބުންޏެވެ.
Administering the Bar Exam, which is the minimum benchmark for admission to practice, is a milestone for the BCM & will redefine the legal profession.
Congratulations to all candidates who sat the BE2022, becoming the first-ever law graduates to sit the Bar Exam in the Maldives! pic.twitter.com/vTkL4po23O
— Bar Council of the Maldives (@MvBarCouncil) November 19, 2022
ގާނޫނީ ފަންނުގެ ގާނޫނުގެ ދަށުން ވަކީލުކަމުގެ ހުއްދަ ހޯދުމަށްޓަކައި ހަދަން ޖެހޭ ބާ އިމްތިހާނަކީ ގާނޫނުތަކަށް އަހުލުވެރިވެފައިވާ މިންވަރާއި އެ ދާއިރާއާ ގުޅުން ހުރި އަސާސީ ހުނަރުތައް ދެނެގަތުމަށް އަހަރަކު އެއް ފަހަރު ބާއްވަން ނިންމާފައިވާ އިމްތިހާނެކެވެ.
ގާނޫނީ ވަކީލުކަމުގެ ހުއްދަ ހޯދުމުގެ ގޮތުން ބާ އިމްތިހާނުގެ އިތުރުން ތަމްރީން ޕްރޮގްރާމެއް ވެސް ފުރިހަމަކުރަން ޖެހެ އެވެ.