ފާއިތުވި ހަތަރު އަހަރުގެ ތެރޭގައި ޒަކާތު ފަންޑުން ބޭސް ފަރުވާ އަށް 42 މިލިއަނަށް ވުރެ ގިނަ ރުފިޔާ ހޭދަކޮށްފައިވާ ކަމަށް އިސްލާމިކް މިނިސްޓްރީން ބުނެފި އެވެ.
ރައީސް އިބްރާހީމް މުހައްމަދު ސޯލިހުގެ ވެރިކަމުގެ ހަތަރުގެ ތެރޭގައި ހޯދުނު ކާމިޔާބީތަކުގެ ތެރެއިން އިސްލާމިކް މިނިސްޓްރީގެ ތެރެއިން ހޯދުނު ކާމިޔާބީއެއްގެ ގޮތުގައި އެ މިނިސްޓްރީން ފާހަގަކޮށްފައިވާ އެއް ކަމަކީ ބޭސް ފަރުވާ އަށް ޒަކާތު ފަންޑުން ދެވުނު އެހީ އެވެ.
4 އަހަރުގެ ކާމިޔާބީ: ޒަކާތު ފަންޑު ބޭސްފަރުވާގެ އެހީ#HamaHama4 pic.twitter.com/J5qFoOPNLR
— Ministry of Islamic Affairs (@MVIaffairs) November 19, 2022
އެގޮތުން މި އަހަރުގެ މިހާތަނަށް އެ ފަންޑުން ބޭސް ފަރުވާ އަށް 16.5 މިލިއަން ރުފިޔާ ހޭދަކޮށްފައިވާ އިރު، މިއީ ފާއިތުވި އަހަރުގެ ތެރޭގައި އެންމެ ބޮޑު ހޭދައެއް ވެސް ދިޔަ އަހަރެވެ. މީގެ އިތުރުން މިދިޔަ އަހަރު ޒަކާތު ފަންޑުން ބޭސް ފަރުވާ އަށް 11.1 މިލިއަން ހޭދަކޮށްފައިވާ އިރު، 2020 ގައި 6.3 މިލިއަން ހޭދަކޮށްފައިވެ އެވެ. އަދި 2019 ގައި ހޭދަކޮށްފައި ވަނީ 15 މިލިއަނަށް ވުރެ ބޮޑު ހޭދައެއް ޒަކާތު ފަންޑުން ބޭސް ފަރުވާ އަށް ހޭދަކުރި އެވެ.
ޒަކާތު ފަންޑުން އެކި ކަންކަމަށް ހޭދަކުރެ އެވެ. އޭގެ ތެރޭގައި މަތީ ތައުލީމަށް ސްކޮލަޝިޕް ދިނުމާއި އެހީ އަށް ބޭނުން ޖެހޭ ހާލަތްތަކުގައި އާންމުންނަށް އެހީތެރިކަން ފޯރުކޮށް ދިނުމުގެ އިތުރުން ދާދި ފަހުން ވަނީ ޒަކާތު ފަންޑުން މާލީ ފުދުންތެެރިކަން ރަނގަޅުކުރަން މަސައްކަތްކުރުމަށް، މާލީ ގޮތުން ފުންދުންތެރި އާއިލާތަކަށް އެހީދޭ ޕްރޮގްރާމެއް ވެސް ފަށަން ނިންމައިފަ އެވެ.