މިހާރު ގަތަރުގައި ކުރިއަށްދާ ވޯލްޑް ކަޕް ބަލަން އެކި ގައުމުތަކުން ދާ ޢައިރު މުސްލިމުން އިސްލާމް ދީނަށް ވަންނަމުން އަންނަ ކަމަށް ބައެއް މީޑިއާތަކުން ބުނެފި އެވެ.
ޓްވިޓާ ފަދަ ޕްލެޓްފޯމްތަކުގައި ދީނީ ދައުވަތު ދިނުމާއި ދީނީ މައުލޫމާތު ފަތުރާ ބައެއް މީހުން ވެސް އެފަދަ ވާހަކަތަކެއް އަންނަނީ ހިއްސާކުރަމުންނެވެ. އެގޮތުން މާޖިދު ފްރީމަން ކިޔާ މީހަކު ކުރި ޓްވީޓެއްގައި ބުނެފައި ވަނީ ގަތަރަށް ދިޔަ 500 އަށް ވުރެ ގިނަ މީހުން އިސްލާމް ދީން ގަބޫލުކޮށްފައިވާ ކަމަށެވެ.
Allahu Akbar! We’ve heard from local daees in #Qatar2022 that 500+ people have embraced Islam recently. Here’s a Mexican 🇲🇽 fan who took his shahada❤️
Thousands of fans from around the 🌍 are there. May they get an opportunity to see the beauty of Islam & may Allah guide them 🤲🏻 pic.twitter.com/cvgU531MYT
— Majid Freeman (@Majstar7) November 22, 2022
އޭނަ އެ ވާހަކަ ހިއްސާކުރީ މެކްސިކޯގެ ޒުވާނަކަށް ޝެއިހަކު ޝަހާދަތް ލައިދީ، ދީނީ މައުލޫމާތުތަކެއް ހިއްސާކުރައްވާ މަންޒަރު ފެންނަ ވީޑިއޯއަކާ ވެސް އެކީގަ އެވެ.
މާޖިދުގެ އިތުރުން ބައެއް އެހެން މީހުން ވެސް ގަތަރުގައި މިހާރު ވަރަށް ބާރަށް ޢައިރު މުސްލިިމުން ނޫން މީހުން އިސްލާމް ދީނުގެ ހިދާޔަތުގެ ތެރެއަށް ވަންނަމުން އަންނަ ކަމަށް ބުނެފައިވެ އެވެ. އެގޮތުން މިދިޔަ އާދީއްތަ ދުވަހު ވޯލްޑް ކަޕް ފެށި ފަހުން 530 އާ ގާތްކުރާ އަދަދަކަށް އެކި ގައުމަތަކަށް ނިސްބަތްވާ މީހުން ގަތަރުގައި އިސްލާމް ދީން ގަބޫލުކޮށްފައިވާ ކަމަށް ބުނެފައިވެ އެވެ.
With the way things are going and with the grand entrance of Shaykh Dr Zakir Naik & his team into #Qatar, thousands of Europeans will see the light and accept Islam.
Allahumma A'izzal Islaama Wal Muslimeen, Wa Adhilal Kufra Wal Kaafireen🤲 pic.twitter.com/RSZdzcZOBo
— Abu Siddiq, Ph.D. (@Realoilsheikh) November 21, 2022
ނަމަވެސް ގަތަރުގެ ކަމާބެހޭ ރަސްމީ އެއްވެސް އިދާރާއަކުން މިފަދަ އެއްވެސް މައުލޫމާތެއް އަދި މިހާތަނަކަށް ހިއްސާއެއް ނުކުރެ އެވެ. ނަމަވެސް އެ ގައުމު ވޯލްޑް ކަޕާ ދިމާކޮށް އިސްލާމީ ދައުވަތަށް މަގުފަހިކުރުމުގެ ގޮތުން ގައުމުގެ އެކި ހިސާބުތަކުގައި، ހާއްސަކޮށް މެޗްތައް ކުޅޭ ސްޓޭޑިއަމްތައް ހިމެނޭ ސަރަހައްދުތަކުގައި ރަސޫލާގެ ހަދީސްފުޅުތައް ހިމެނޭ ގިނަ އަދަދެއްގެ ބޯޑް ހަރުކޮށް، އިސްލާމީ ޝިއާރު ފާޅުކުރަން ވަރަށް ގިނަ ކަންކަން ކޮށްފައިވެ އެވެ.
At least 558 people have accepted Islam in one week in Qatar. Alhamdulillah. #QatarWorldCup2022
— Dilly Hussain (@DillyHussain88) November 21, 2022
ގަތަރުގައި ވޯލްޑް ކަޕް ބާއްވާތީ ހުޅަނގުގެ ވަރަށް ގިނަ ގައުމުތަކުން ދަނީ ފާޑު ކިޔަމުންނެވެ. ހާއްސަކޮށް އެއްޖިންސުން ގުޅުން ހިންގުމަށް ހިތްވަރުދޭ ގައުމުތަކާއި އެފަދަ ޖަމިއްޔާ ޖަމާއަތްތަކުންނެވެ. ނަމަވެސް ގަތަރުން ވަރަށް ސާބިތުކަމާ އެކީ ބުނަމުން އަންނަނީ އިސްލާމް ދީން ހަރާންކޮށްފައިވާ އެއްވެސް ކަމަކަށް މަގުފަހިވާނެ އެއްވެސް ކަމެއް، އެއްވެސް އަމަލެއް އެ ގައުމުގައި ހިންގަން ޢަައިރު މުސްލިމުންނަށް ފުރުސަތު ނުދޭނެ ކަމަށެވެ. އެހެންވެ ސްޓޭޑިއަމްތަކުގައި ރަލާއި ބިޔަރު ފަދަ އެއްޗެހި ވިއްކުން ވެސް މަނާކޮށްފައިވެ އެވެ.
Ghanim Muftah with Morgan Freeman starts the #FIFAWorldCup opening ceremony with the verses from Holy Quranpic.twitter.com/97mcUUeKQO
— FIFA World Cup 2022 (@2022_QatarWC) November 20, 2022
މެދުއިރުމަތީގެ ގައުމެއްގައި އަލަށް ދުނިޔޭގެ އެންމެ ބޮޑު ފުޓްބޯޅަ މުބާރާތް ބާއްވަމުން އަންނަ އިރު، މުބާރާތް ގަތަރުން ފެށީ ވެސް ކީރިތި ޤުރުއާންގެ ބަރަކާތުންނެވެ. އަދި މިއީ ވޯލްޑް ކަޕް ތާރީހުގައި ވެސް މި ގޮތަށް މުބާރާތް ފެށި ފުރަތަމަ ފަހަރެވެ.
އިސްލާމީ ދައުވަތު ފަތުރާ މީހުން ބުނަމުން އަންނަ ގޮތުގައި އަންނަ މަހުގެ 18 ގައި ވޯލްޑް ކަޕް ނިންމައިލާ އިރު، ގަތަރުގައި ގިނަ ބަޔަކު އިސްލާމް ދީނަށް ވަނުމަކީ ދީނަށް ލިބޭ ވަރަށް ބޮޑު ނަސްރަކަށް ވާނެ އެވެ.