ހެލްތި މިނިސްޓްރީން 13 ލޯންޗް ގަންނަން ނިންމައި، ގަލްފް ކްރާފާޓާ އެކީ އެއްބަސްވުމެއްގައި ސޮއިކޮށްފި އެވެ.
މިނިސްޓްރީން ބުނީ 13 ލޯންޗް ގަންގަން ޖުމްލަ 31 މިލިއަން ރުފިޔާ ހަރަދުވާނެ ކަމަށެވެ. އެގޮތުން ގަލްފް ކްރާޓާ އެކީ ވެވުނު އެއްބަސްވުމުގެ ދަށުން އަހަރުގެ ތެރޭގައި ލޯންޗްތައް ފޯރުކޮށް ދޭން ޖެހެ އެވެ.
• @WorldBank އަދި @AIIB_Official އެހީގައި ކުރިއަށް ގެންދާ މޯލްޑިވްސް ކޮވިޑް-19 އިމަރޖެންސީ ރެސްޕޮންސް އެންޑް ހެލްތު ސިސްޓަމްސް ޕްރެޕެއަރޑްނަސް ޕްރޮޖެކްޓުން 13 ސްޕީޑް ބޯޓް ގަތުމަށް ގަލްފް ކްރާފްޓް މޯލްޑިވްސްއާއި އެކު އެއްބަސްވުމުގައި ސޮއިކުރުން. pic.twitter.com/UprAIQiXf4
— Ministry of Health (@MoHmv) November 23, 2022
މިނިސްޓްރީން ބުނި ގޮތުގައި މި ލޯންޗްތަކަކީ އަތޮޅުތެރޭގައި އެއް ރަށުން އަނެއް ރަށަށް ލެބޯޓްރީ ސާމްޕަލްތައް ގެންދިއުމަށާއި މިނިސްޓްރީން ކުރިއަށް ގެންދާ ތަފާތު އައުޓްރީޗް ޕްރޮގްރާމްތަކަށް ބޭނުންވ ދަތުރުތަކަށް ހާއްސަކޮށްގެން ހޯދާ ލޯންޗްތަކެވެ. އަދި މި އެއްޗެހި ކުއްލި ހާލަތުގެ ދަތުރަކަށް ވެސް ބޭނުން ކުރާނެ އެވެ.
• ސްޕީޑް ބޯޑްތައް މިނިސްޓްރީއަށް ފޯރުކޮށްދިނުމަށް އެއްބަސްވެފައިވަނީ 1 އަހަރު ދުވަހުގެ ތެރޭގައި
• މި ސްޕީޑް ބޯޓްތައް ބޭނުންކުރުމަށް ހަމަޖެހިފައިވަނީ ލެބޯޓްރީ ސާމްޕަލް ގެންދިއުމަށާއި އައުޓްރީޗް ޕްރޮގްރާމް ހިންގުމަށް އަދި އިމަރޖެންސީ ޙާލަތުގައި ބަލިމީހުން އުފުލުމަށް. pic.twitter.com/agl4Ha48JU— Ministry of Health (@MoHmv) November 23, 2022
ލޯންޗްތައް ގަންނަނީ ވޯލްޑް ބޭންކާއި އޭޝިއަން އިންފްރާސްޓްރަކްޗަ އިންވެސްޓްމަންޓް ބޭންކް (އޭއައިއައިބީ) ގެ އެހީގައި ކުރިއަށް ގެންދާ މޯލްޑިވްސް ކޮވިޑް-19 އިމަޖެންސީ ރެސްޕޮންސް އެންޑް ހެލްތު ސިސްޓަމްސް ޕްރެޕެއަޑްނަސް ޕްރޮޖެކްޓުގެ ދަށުންނެވެ.