ރައްޔިތުންގެ މަޖިލީހުގެ ރައީސް މުހައްމަދު ނަޝީދު ގަތުލުއާންމެއް ހިންގަން އުޅުއްވި ކަމަށް ވިދާޅުވެ ރައްޔިތުންގެ މަޖިލީހުގެ މަރަދީ ދާއިރާގެ މެމްބަރު އިބްރާހީމް ޝަރީފު (މަވޯޓާ) ދެއްކެވި ވާހަކަތަކާ ގުޅިގެން ދައުވާކުރުމާ ގުޅިގެން އޭނާ ވެސް މައްސަލައަކާއިގެން ކޯޓަށް ވަޑައިގަންނަވާ ކަމަށް ވިދާޅުވެއްޖެ އެވެ.
ރައިސް ނަޝީދު ކަމަށް ތުހުމަތުކުރާ ހަސަން ކުރުސީގެ ނަމުގައި ހަދާފައިވާ ޓްވީޓާ އިން ކުރައްވާފައިވާ ޓްވީޓެއްގެ ރައްދުގައި މަވޯޓާ ވިދާޅުވީ އޭނަ ގޮވައިގެން ނަޝީދު ކޯޓަށް ވަޑައިގަންނަވާ ނަމަަ ނަޝީދާއި އެ މަނިކުފާނުގެ ސަޕޯޓަރަން އޭނަގެ އަބުރު ކަތިލަމުންދާ މައްސަލައިގައި ވެސް ކޯޓަށް ދެވިދާނެ އެވެ.
I would rather go to court and put forward my case. If that’s what HKurusee want. I will make counter claims as well. Because H Kurusee and his supporters are idefaming me I am preparing a case against A Sattar as well.
— Ibrahim Shareef (@AdduShareef) November 28, 2022
މަވޯޓާ ވިދާޅުވެފައިވާ ގޮތުގައި ގެއެއް ވިއްކާނެ ކަމަށް ބުނެ މަކަރާއި ހީލަތުން ނަޝިދުގެ ބައަޕަ ވަނީ ފައިސާތަކެއް ހޯދައިފަ އެވެ. އެހެންވެ އެ މައްސަލަ ވަރަށް އަވަހަށް ކޯޓަށް ހުށަހަޅުއްވާނެ ކަމަށް ވިދާޅުވި އެވެ. އޭގެ ރައްދުގައި ހަސަން ކުރުސީ ވިދާޅުވީ ފައިސާއާ ބެހޭ އެކަހަލަ މައްސަލަތައް ލަސްކޮށްގެން ނުވާނެ ކަމަށާއި އަވަހަށް ވަޑައިގަންނަވަން ޖެހޭ ކަމަށެވެ.
Yes please @AdduShareef. Thikahala faisaa aa behey massala thah las kohgen nuvaane. Time value of money. https://t.co/iACM4hgFuu
— Hassan Kurusee (@HKurusee) November 28, 2022
ނަޝީދު ގަތުލުއާންމެއް ހިންގަވަން އުޅުއްވި ކަމަށް ވިދާޅުވެ މަވޯޓާ ވަނީ 50 މީހަކު މަރާލަން ރޭއްވެވި ކަމަށް ތުހުމަތުކުރައްވައިފަ އެވެ. އަދި އެކަން ކުރެއްވުމަށް ފަހު، ކުރީގެ ރައީސް އަބްދުﷲ ޔާމީންގެ ބޮލުވައި އަޅުއްވަން ވެސް ނަޝީދު ޕްލޭންކުރެއްވި ކަމަށް ވިދާޅުވެފަ އެވެ.
މަވޯޓާ ގުއިރޯނެއްގަ ޖެހި ތަރަ ވެއްޖެ. ދެން އޮތީ ހަމަ ބިމަށް ތިރިކޮށް ސޯޓު ބޭލުވުން.
އަދިވެސް ހަމަ ޅައީ. @AdduShareef
— Hassan Kurusee (@HKurusee) November 28, 2022
މަ ވޯޓާގެ ވާހަކަތަކާ ގުޅިގެން އަބުރަށް އަރައިގެންފައިވާ ކަމަށް ވިދާޅުވެ، ޝަރީފަށް ދައުވާކުރަން ނަޝީދު ހުށަހެޅުއްވީ ބަދަލަށް 10،000،000ރ. ނަގައި ދިނުމަށެވެ. މިކަމާ ބެހޭ ގޮތުން ނަޝީދުގެ ގާނޫނީ ޓީމުން އިއްޔެ ނެރުއްވި ބަޔާން ހަސަން ކުރުސީ ޓްވީޓްކުރައްވައި މަވޯޓާ ޓެގްކުރައްވައި ވިދާޅުވީ ކޯޓްގައި އެކަން ސާބޮތުކޮށް ދެއްވަން ޖެހޭނެ ކަމަށެވެ. އޭނަގެ އެހެން ޓްވީޓެއްގައި ވިދާޅުވެފައި ވަނީ މަވޯޓާ ގުއިރޯނެއްގައި ޖެހި ތަރަވެއްޖެ ކަމަށެވެ.
"ދެން އޮތީ ހަމަ ބިމަށް ތިރިކޮށް ސޯޓު ބޭލުވުން. އަދިވެސް ހަމަ ޅައީ." ހަސަން ކުރުސީ ވިދާޅުވި އެވެ.