އިނގިރޭސިވިލާތުގެ މަޝްހޫރު ލަވަކިޔުންތެރިޔާ ޑުއާ ލިޕާ އަށް އަލްބޭނިއާގެ ރަށްވެހިކަން ދީފި އެވެ.
ލަންޑަނަށް އުފަން 27 އަހަރުގެ ފަންނާނަށް އެ ގައުމުގެ ރަށްވެހިކަން ރަސްމީކޮށް ދިންކަން އަލްބޭނިއާގެ ރައީސް ބަޖްރަމް ބެގާޖް ކުރެއްވި ޓްވީޓެއްގައި ވެސް ވިދާޅުވި އެވެ. އެ ޓްވީޓްގައި ޑުއާ އަށް ރަށްވެހިކަމުގެ ލިޔުން ހަވާލުކުރުމުގެ ރަސްމިއްޔާތުގެ ފޮޓޯތަކެއް ވެސް ހިއްސާކުރައްވާފައިވެ އެވެ.
Happy to give the one and only @DUALIPA the decree of Albanian citizenship. She has made us proud with her global career and engagement in important social causes. pic.twitter.com/B9qYbrfywA
— Bajram Begaj (@BajramBegajAL) November 27, 2022
ޒުވާން ލަވަކިޔުންތެރިޔާ އަށް އަލްބޭނިއާގެ ރަށްވެހިކަން ދިނީ އެ ގައުމު ބައިނަލްއަގުވާމީ މައިދާނުގައި ޕްރޮމޯޓްކުރުމަށްޓަކަ އެވެ. ރައީސް ވިދާޅުވި ގޮތުގައި އަލްބޭނިއާ އިން އިނގިރޭސިވިލާތަށް ހިޖުރަކުރި އާއިލާއަކަށް ނިސްބަތްވާ ޑުއާ އަކީ މިހާތަނަށް ވެސް އެ ގައުމަށް ފަހުރެއް ކަމަށާއި އޭނަ އަކީ އިޖުތިމާއީ އެކި ކަންކަމަށް ހޭލުންތެރިކަން އުފައްދަން މަސައްކަތްކުރަމުން އަންނަ ނުފޫޒު ގަދަ ފަންނާނެއް ކަމަށެވެ.
އަލްބޭނިއާގެ ރަށްވެހިކަން ލިބުމާ ގުޅިގެން ޑުއާ ކުރި ޓްވީޓެއްގައި އެކަން ސިފަކުރީ ލިބުނު ވަރަށް ބޮޑު ފަހުރެއްގެ ގޮތުގަ އެވެ.
🇦🇱👐🏼 Thank you President Bajram Begaj and Mayor @erionveliaj for this honour ~ got my Albanian citizenship!! ~ faleminderit, po ndihem shume krenare 🇦🇱❤️👐🏼 pic.twitter.com/bfZzqukKAe
— DUA LIPA (@DUALIPA) November 27, 2022
ޑުއާ އާއި އޭނަގެ ބައްޕަ ޑުކަގްޖިން ލިޕާ އަންނަނީ 2016 ގައި "ސަނީ ހިލް ފައުންޑޭޝަން" ގެ ނަމުގައި ޗެރިޓީއެއް އުފައްދައި އޭގެ ދަށުން އަލްބޭނިއާހެ ފުދުންތެރިކަން ކުޑަ އާއިލާތަކަށް އެކި ގޮތްގޮތުން އެހީވަމުންނެވެ.
ޑިސްކޯ-ޕޮޕް މިއުޒިކަށް ހާއްސަ ފަންނާނެއްގެ ގޮތުގައި މަޝްހޫރު ޑުއާ މިހާތަނަށް ދެ އަލްބަމެއް ނެރެފައިވެ އެވެ. އެއީ 2020 ގެ "ފިއުޗާ ނޮސްޓަލްޖިއާ" އާއި 2017 ގެ "ޑުއާ ލިޕާ" އެވެ.