ރާއްޖޭގައި ރާއްކާތެރި ގޮތުގައި ކުނި މެނޭޖްކުރުމަށް ކުރަމުން އަންނަ މަސައްކަތްތަކަށް އެހީވުމުގެ ގޮތުން ޖަޕާނުން 80 މިލިއަން ރުފިޔާގެ އެހީއެއް ދީފި އެވެ.
މި އެހީ ރާއްޖެއާ ހަވާލުކުރުމުގެ އެއްބަސްވުން ހެދީ، ޖަޕާނުގެ ފޮރިން މިނިސްޓްރީގެ ސްޓޭޓް މިނިސްޓަރު ޓަކެއީ ޝުންސްކޭ މިހާރު ރާއްޖެ އަށް ކުރައްވަމުން އަންނަ ދަތުރުގެ ތެރެއިންނެވެ.
Maldives 🇲🇻 and Japan 🇯🇵 signs Exchange of Notes for a Grant Aid of ¥700 Million (Approx. MVR 80 million) to enhance sustainable waste management capabilities in the Maldives, under the Economic & Social Development Programme.@MofaJapan_en @JapaninMaldives pic.twitter.com/U3PVdjeFr5
— Ministry of Foreign Affairs 🇲🇻 (@MoFAmv) December 19, 2022
އެގޮތުން އިއްޔެ ފޮރިން މިނިސްޓްރީގައި ބޭއްވި ރަސްމިއްޔާތެއްގައި ރާއްޖޭގެ ފަރާތުން އެއްބަސްވުމުގައި ސޮއިކުރެއްވީ ފޮރިން މިނިސްޓްރީގެ ސްޓޭޓް މިނިސްޓަރު އަހުމަދު ހަލީލެވެ.
ޖަޕާނާއި ރާއްޖެއާ ދެމެދު ސިޔާސީ ގުޅުން ޤާއިމުކުރިތާ މި އަހަރު ވަނީ 55 އަހަރު ފުރިފައެވެ. ޖަޕާނަކީ ރާއްޖެ އަށް އެކީ ދާއިރާތަކުން އެންމެ ގިނައިން އެހީދޭ އެއް ގައުމެވެ.