މާލޭ ރަސްމީ ފާލަމާ ދިމާލު ފަޅުތެރެއަށް އެޅިފައިވާ 700 ލީޓަރުގެ ތެޔޮ ނަގާފައިވާ ކަމަށް އެމްއެންޑީއެފުން ބުނެފި އެވެ.
އެމްއެންޑީއެފުން ބުނީ ތެޔޮ ސާފު ކުރުމުގެ މަސައްކަތް މިއަދަށް ނިންމާލާފައިވާއިރު މިހާރު ގާތްގަނޑަކަށް 700 ލީޓަރުގެ ތެޔޮ ނަގާ ސާފުކުރެވިފައިވާ ކަމަށެވެ. މާދަމާ ވެސް މި މަސައްކަތް ކުރިއަށް ގެންދާނެ ކަމަށް އެމްއެންޑީއެފުން ބުނެ އެވެ.
ރަސްމީ ފާލަމާ ދިމާލު ފަޅުތެރެއަށް އެޅިފައިވާ ގިނަ ޢަދަދެއްގެ ކަޅުތެޔޮ ނެގުމަށް އެމްއެންޑީއެފް ކޯސްޓްގާޑުން ކުރަމުންދާ މަސައްކަތުން މިހާތަނަށް ގާތްގަޑަކަށް 700 ލީޓަރުގެ ތެޔޮވަނީ ނެގިފައި. pic.twitter.com/yatzpBSZej
— Maldives National Defence Force (@MNDF_Official) January 2, 2023
މާލެ ފަޅުތެރެއަށް 1،000 ލީޓަރުގެ ތެޔޮ އެޅިފައިވާ ކަމަށް ލަފާ ކުރެވޭ ކަމަށް އެމްއެންޑީއެފުން ބުނެފައިވެ އެވެ.
ފަޅުތެރެއަށް ތެޔޮ އެޅުނު މައްސަލަ އެންވަޔަރަމަންޓް ޕްރޮޓެކްޝަން އެޖެންސީ (އީޕީއޭ)އިން އަންނަނީ ބަލަމުންނެވެ.