މާލޭގެ މިސްކިތްތައް މަރާމާތުކުރަން ބޭނުންވާ ފަންޑް ހޯދަން މާލެ ސިޓީ ކައުންސިލުން އިއްޔެ މާލޭގައި ފެށި "ޗާލު މިސްކިތް" ފަންޑް ރެއިޒިން ހަރަކާތަށް އިއްޔެ 313،000 އަށް ވުރެ ގިނަ ރުފިޔާ ލިބިއްޖެ އެވެ.
ކައުންސިލުން ބުނީ އިއްޔެގެ ހަރަކާތް ނިންމާލި އިރު ލިބުނު ޖުމްލަ އަދަދަކީ 313,397.90ރ. ކަމަށެވެ. އަދި އެހީ ދިން ފަރާތްތަކަށް ޝުކުރު އަދާކޮށްފައިވެ އެވެ.
"ޗާލު މިސްކިތް" ފަންޑް ރެއިޒިން އިވެންޓް މިއަދު ވެސް ކުރިއަށް ގެންދާނެ އެވެ. ކައުންސިލުން ބުނެފައިވާ ގޮތުގައި މިސްކިތްތަކުގެ މަރާމާތަށް މަދުވެގެން 9 މިލިއަން ރުފިޔާ ބޭނުންވެ އެވެ.
It is the end of Day 1 of our Chaalu Miskiy Fund raising event. Till now we have received a total amount MVR 313,397.90 for the repair and renovation of Male City Mosques. We would like to thank all the generous donators , sponsors and the media for making this event successful. pic.twitter.com/DUYKP3YXJP
— Male' City Council (@MaleCitymv) January 6, 2023
އެ ހަރަކާތް އިއްޔެ ހަވީރު އާޓިފިޝަލް ބީޗުގައި ފެށުމަށް ބޭއްވި ރަސްމިއްޔާތުގައި މާލޭގެ މޭޔަރު ޑރ. މުހައްމަދު މުއިއްޒު ވިދާޅުވީ ސަރުކާރުން ކައުންސިލަށް ދީފައި ވަނީ އެއް މިލިއަން ރުފިޔާ ކަމަށާއި މާލެ ސަރަހައްދުގެ މިސްކިތްތަކުގެ މަރާމާތަށް އިތުރަށް ފައިސާ ބޭނުންވާ ކަމަށެވެ. އަދި ކައުންސިލްގެ އެކްޝަން ޕްލޭނުގައި ވެސް އެންމެ ބޮޑު އިސްކަމެއް ދީގެން ހިމަނާފައި ވާނީ މާލެ ސަރަހައްދުގެ މިސްކިތްތައް ޒީނަތްތެރިކޮށް ބެހެއްޓުންކަން ކަމަށާއި އެކަމަށް ސަރުކާރާއި އާންމުންގެ އެހީ ވެސް ބޭނުންވާ ކަމަށް ވިދާޅުވި އެވެ.
އެހެންވެ "ޗާލު މިސްކިތް" ފަންޑް ރައިޒިން ހަރަކާތަކީ އާންމުންގެ އެހީ ހޯދަން ފެށި ހަރަކާތެއް ކަމަށް ވިދާޅުވި އެވެ.
From the Chaalu Miskiy Event held today evening at Artificial beach. We have a stall for each mosque which needs donation for repair. Public can come and donate with materials, services as well. Detailed information will be available.
To Donate: 7730000467623
Viber slip : 7265050 pic.twitter.com/fDJCaM85K1— Male' City Council (@MaleCitymv) January 6, 2023
މުއިއްޒު ވިދާޅުވީ މިހާރު ވެސް މާލޭގެ މިސްކިތްތަކުގެ މަރާމާތަށް 10 މިލިއަން ރުފިޔާ ހަރަދުކޮށްފައިވާ ކަމަށެވެ. އަދި ކުރިއަށް ވެސް ގިނަ މަސައްކަތްތަކެއް ކުރަން ހުރި އިރު ފަންޑް ރައިޒިން ހަރަކާތަކީ ކުރިއަށް އޮތް ރޯދަ މަހަށް ބޭނުންވާ އާބާތުރަފިލުވުމަށް ފަންޑު ހޯދަން ކުރިއަށް ގެންދާ ކަމެއް ކަމަށް ވިދާޅުވި އެވެ. މޭޔަރު ވިދާޅުވީ ކުރިން ވެސް މިސްކިތްތަކުގެ މިފަދަ ކަންކަމަށް އާންމުންގެ ބޮޑު އެހީއެއް ލިބޭ ކަމަށެވެ.
މާލެ ސިޓީ ކައުންސިލްގެ "ޗާލު މިސްކިތް" ފަންޑްރެއިޒިން ހަރަކާތް ފެށުމުގެ ރަސްމިއްޔާތުގެ ތެރެއިން. pic.twitter.com/P4dP3PJkON
— Male' City Council (@MaleCitymv) January 6, 2023
"ޗާލު މިސްކިތް" ފަންޑް ރެއިޒިންގެ ތެރެއިން ފައިސާ ހަދިޔާކުރަން ބޭނުންވާ މީހުންނަށް ކައުންސިލްގެ އެކައުންޓް 7730000467623 އަށް ވެސް ފައިސާ ޖަމާކުރެވޭނެ އެވެ.