ރާއްޖޭގެ އެންމެ ބޮޑު އެއް ޕްރައިވެޓް ހޮސްޕިޓަލް ކަމަށްވާ އޭޑީކޭ ޑީކޮމްޕްރެޝަން ސިކްނަސް (ޑީކޯ) ވުމުގެ ސަބަބުން ފަރުވާ ދޭނެ ޗެމްބަރުތަކެއް ބަހައްޓައި އެ ހިދުމަތް ދޭން ފަށައިފި އެވެ.
ރާއްޖޭގެ ހޮސްޕިޓަލެއްގައި އަލަށް ފެށި މި ހިދުމަތް އޭޑީކޭ އިން ފެށުމަށް ރޭ ބޭއްވި ރަސްމިއްޔާތުގައި އޭޑީކޭގެ ހައިޕަބެރިކް ޓްރީޓްމަންޓް ޔުނިޓްގެ ޚިދުމަތް ފައްޓަވައި ދެއްވީ ޓޫރިޒަމް މިނިސްޓަރު ޑރ. ޢަބްދުﷲ މައުސޫމެވެ.
މިނިސްޓަރު ވިދާޅުވީ ރާއްޖެ އަކީ ޑައިވް ކުރުމަށް ރައްކާތެރި ތަނެއްގެ ގޮތުގައި މަޝްހޫރު ތަނަކަށްކަމަށްވުމާ އެކީ އި ޑީކޯ ޗެމްބަރަކީ ޑައިވް އިންޑަސްޓްރީ އަށް ވަރަށް ބޭނުންތެރި އެއްޗެއް ކަމަށެވެ. ހާއްސަކޮށް ޓޫރިޒަމްގެ ޑިމާންޑް ބޮޑުވަމުން އަންނަ އިރު، މާލެ ސަރަހައްދުގައި މިފަދަ ޗެމްބަރެއް ހުރުމަކީ އެންމެންނަށް ވެސް ލިބޭ ހިތްހަމަޖެހުމަކަށް ވާނެ ކަމަށް ވިދާޅުވި އެވެ.
The official opening of the Hyperbaric Treatment Unit by Chief Guest, Minister of Tourism Dr Abdulla Mausoom @Mausoom_Maus.
Chamber was introduced by CMO, Dr Abdulla Niyaf @niyaf.
A speech was given by @PADI Course Director & MD of @DiveDesk Mr Adam Asraf.#ADK35 #HBOT pic.twitter.com/so8la1ApoI— ADK Hospital (@ADKHospital) January 10, 2023
"މިއީ އޭޑީކޭއިން ހަމައެކަނި މާލީ މަންފާ ހޯދުމަށް ދޭން ފަށާ ޚިދުމަތެއްގެ ގޮތުގައެއް ނުދެކެން. އޭގެ ބަދަލުގައި ޑައިވަރުންގެ ސޭފްޓީއަކަށް ދޭ ޚިދުމަތެއްގެ ގޮތުގައި އަޅުގަނޑު ގަބޫލުކުރަނީ،" މައުސޫމް ވިދާޅުވި އެވެ. "އަޅުގަނޑަށް ހައިޕަބެރިކް އޮކްސިޖެން ޗެމްބާސްތައް ސިފަވީ ހީލިން މެޝިނެއް ގޮތަށް."
We, at ADK Hospital understand the need to support the ever-growing local dive industry, to further and sustain their high safety standards.
Introducing Hyperbaric Chamber.#HBOT #HyperbaricChamber #HyperbaricTreatment #ADK35 pic.twitter.com/WZEK6PS1Xb
— ADK Hospital (@ADKHospital) January 10, 2023
އޭޑީކޭ ހޮސްޕިޓަލުގެ ޗީފް މެޑިކަލް އޮފިސަރު ޑރ. އަބްދުﷲ ނިޔާފް ވިދާޅުވީ ހޮސްޕިޓަލެއްގައި މިފަދަ ތެރަޕީދޭ ޔުނިޓެއް ގާއިމުކުރުމަކީ ޑޮކްޓަރުންނަށާއި އެހެން އާންމު ރައްޔިތުންނަށް ވެސް ލިބޭނެ ބޮޑު ހިތްހަމަޖެހުމެއް ކަމަށެވެ. އެގޮތުން އޭޑީކޭގެ ހައިޕަބެރިކް ތެރަޕީގެ ޚިދުމަތް ލިބޭނީ ހަމައެކަނި ފީނަން ގޮސް އުޅޭ އިރު ދިމާވާ ހާދިސާތަކުން ކުރިމަތިވާ ކަންތައްތަކަށް އެކަނި ނޫން ކަމަށް ވިދާޅުވި އެވެ.
ޑީކޯގެ ޗެމްބަރު ބޭނުންކުރުމަށް އޭޑީކޭ އިން ވަނީ ތިން ޑޮކްޓަރަކު ސިންގަޕޫރުން ތަމްރީންކޮށްފައިވެ އެވެ. އަދި ނަރުހުންނާއި ފަންނީ މީހުން ވެސް ތަމްރީންކޮށްފައިވެ އެވެ.