މިދިޔަ ބުދަ ދުވަހު 18 ގައި ޗައިނާގެ ޓޫރިސްޓުން ރާއްޖެ އަންނަން ފެށުމާ އެކީ މިހާރު އެންމެ ގިނަ ޓޫރިސްޓުން އަންނަ 10 ގައުމުގެ ތެރޭގައި އެ ގައުމު ހިމެނިއްޖެ އެވެ.
ކޮވިޑްގެ ކުރިން ރާއްޖެ އަށް އެންމެ ގިނަ ޓޫރިސްޓުން އައުމުގެ ރެކޯޑް އޮތް ޗައިނާ މިހާރު އޮތީ އެންމެ ގިނައިން ޓޫރިސްޓުން އަންނަ 10 ގައުމުގެ ލިސްޓްގެ 9 ވަނައިގަ އެވެ. ޓޫރިޒަމް މިނިސްޓްރީން އާންމުކުރި ތަފާސް ހިސާބުތަކުން މިދިޔަ ހޮނިހިރު ދުވަހާ ހަމައަށް ޗައިނާއިން 2،354 ޓޫރިސްޓުން އައިސްފައިވެ އެވެ. އަދި މިއީ އަހަރު ފެށުނު ރާއްޖެ އައި ޓޫރިސްޓުންގެ 1.9 ޕަސެންޓެވެ.
Glad to see #China in the #TopTen of #Maldives tourist generating markets at #Rank9 with 1.9% of total market share.
The race is on for the top positions at the Leader Board. pic.twitter.com/uerC87oB0L— Abdulla Mausoom (@Mausoom_Maus) January 22, 2023
ޗައިނާގެ ޓޫރިސްޓުން މި މަހުގެ 18 ވަނަ ދުވަހުން ފެށިގެން ރާއްޖެ އަށް އަންނަން ފެށީ ކޮވިޑާ ދިމާކޮށް އެ ގައުމުގެ ބޯޑަރު ބަންދުކޮށްފައި އޮންނަތާ ތިން އަހަރެއްހާ ދުވަސް ފަހުންނެވެ. ޗައިނާގެ ތިން އެއާލައިނެއްގެ ދަތުރުރުތަކެއް މިހާރު އޮތީ ރާއްޖެ އަށް ތާވަލުކޮށްފަ އެވެ.
މި އަހަރު ފެށުނު ފަހުން ރާއްޖެ އަށް އެންމެ ގިނަ ޓޫރިސްޓުން އަންނަނީ ރަޝިއާއިންނެވެ. ދެވަނައިގައި އިޓަލީ އޮތް އިރު، ތިން ވަނައިގައި އޮތީ އިންޑިއާ އެވެ. މި އަހަރުގެ މިހާތަނަށް 115،000 ޓޫރިސްޓުން އައިސްފައިވެ އެވެ.
އަމާޒަކީ މި އަހަރު މަދުވެގެން 1.8 މިލިއަން ޓޫރިސްޓުންނެވެ. މިދިޔަ އަހަރު ރާއްޖެ އަށް 1.6 މިލިއަނަށް ވުރެ ގިނަ ޓޫރިސްޓުން އަ އެވެ.