ނިމިގެންދިޔަ އެމްޑީޕީގެ ރިޔާސީ ޕްރައިމަރީ ކާމިޔާބު ކުރެއްވި ރައީސް އިބްރާހިމް މުހައްމަދު ސޯލިހަށް ރާއްޖޭގެ ހުރިހާ ސިޓީތަކުގެ އެކި ދާއިރާތަކުގެ ތެރެއިން އެންމެ ބޮޑު އަޣުލަބިއްޔަތެއް ލިބުނު ދާއިރާއަކަށް އައްޑޫ މީދޫ ދާއިރާ ވެއްޖެ އެވެ.
އެގޮތުން އައްޑޫ މީދޫ ދާއިރާ ހިމެނޭ މީދޫ އަދި މަރަދޫގެ ވޯޓު ފޮށިން ރައީސް ސޯލިހަށް ޖުމްލަ ވަނީ 413 ވޯޓު ލިބިފަ އެވެ. މަރަދޫ ފޭދޫ ވޯޓު ފޮށިން ރައީސަށް 154 ވޯޓު ލިބުނުއިރު މީދޫ ވޯޓު ފޮށިން ވަނީ 259 ވޯޓު ލިބިފަ އެވެ.
ޕްރައިމަރީގައި ރައީސް ސޯލިހާ ވާދަކުރެއްވި ކުރީގެ ރައީސް އަދި ރައްޔިތުންގެ މަޖިލީހުގެ ރައީސް، މުހައްމަދު ނަޝީދަށް އައްޑޫ މީދޫ ދާއިރާ އިން ޖުމްލަ ލިބިފައިވަނީ 186 ވޯޓެވެ.
Raajjeyge hurihaa city thakuge eki dhaairaa thakun R @ibusolih ah enme mathee agulabiyyatheh libifaivanee Addumeedhoo dhaaira (Meedhoo, Maradhoofeydhoo) in kamah vaathee mi dhaaira ge campaign team thakaa vote dhevvi beyfulhunnah maruhaba dhannavan!
You all did a great job! ❤️ pic.twitter.com/2p8ntueJEf— 𝐌𝐏 𝐑𝐨𝐳𝐚𝐢𝐧𝐚 𝐀𝐝𝐚𝐦 🎈 (@Roxeyna) January 30, 2023
އެމްޑީޕީގެ ޕްރައިމަރީގައި ރައީސް ވަނީ މާލެ އާއި އައްޑު އަދި ފުވައްމަލު ސިޓީގެ މެޖޯރިޓީ ހޯއްދަވާފަ އެވެ. ނަމަވެސް ކުޅުދުއްފުށި ސިޓީގެ މެޖޯރިޓީ ހޯއްދެވީ ނަޝީދެވެ.
އިންތިހާބުގެ ވަގުތީ ނަތީޖާތައް ދައްކާ ގޮތުން ނަޝީދަށް ލިބިވަޑައިގަތީ 15،641 ވޯޓެވެ. އެއީ ވޯޓްލީ މީހުންގެ 38.90 ޕަސެންޓް ވޯޓެވެ. ރައީސް ސޯލިހަށް ލިބިވަޑައިގަަތީ 24،566 ވޯޓެވެ. އެއީ ވޯޓްލީ މީހުންގެ 61.10 ޕަސެންޓް ވޯޓެވެ.
މި އިންތިހާބުގައި 57،255 މީހުންނަށް ވޯޓުލުމުގެ ހައްގު ލިބިފައިވާއިރު ވޯޓުލާފައިވަނީ 40،887 މީހުންނެވެ. އެއީ ވޯޓުލުމުގެ ހައްގު ލިބިފައިވާ މީހުންގެ 71 ޕަަސެންޓެވެ.