ދާދި ފަހުން އިއުލާންކުރި އެމެރިކާގެ ކުރީގެ ޕޮޕް މިއުޒިކްގެ ރަސްގެފާނު މައިކަލް ޖެކްސަންގެ ބައޮގްރަފިކަލް ޑްރާމާ "މައިކަލް" ގައި އޭނަގެ ރޯލު ކުޅެން އާއިލީ ކުއްޖަކު ނަގައިފި އެވެ.
ޖެކްސަން ރޯލު ކުޅެން ނެގީ އޭނަ އަށް ބޮޑުބޭބެ ކިޔާ ޖާފަރް ޖެކްސަނެވެ. ލަވަކިޔުންތެރިއެއްގެ ގޮތުގައި މަސައްކަތްކުރަމުން އަންނަ ޖާފަރް، 26، އަކީ ޖެކްސަންގެ ބޭބެ ޖާމެއިން ޖެކްސަން، 68، ގެ ދަރިއެކެވެ.
I’m humbled and honored to bring my Uncle Michael’s story to life. To all the fans all over the world, I’ll see you soon.
Photo by Jourdynn Jackson pic.twitter.com/Xow9Mkakup
— Jaafar Jackson (@JaafarJackson) January 30, 2023
ބޮޑުބޭބެގެ ރޯލު ކުޅެން ލިބުމާ ގުޅިގެން ޖާފަރް ކުރި ޓްވީޓެއްގައި އެކަން ބޮޑު ޝަރަފެއްގެ ގޮތުގައި ސިފަކޮށްފައިވެ އެވެ.
ދެހާސް ނުވައެއްގައި މަރުވެފައިވާ ޖެކްސަންގެ ވާހަކަ ކިޔައިދޭން ހަދާ "މައިކަލް" އަކީ އެންޓޮއިން ފުގްއާ ޑައިރެކްޓްކުރާ އެއްޗެކެވެ. ލަޔަންސް ގޭޓުން ޕްރޮޑިއުސްކުރާ ފިލްމުގެ ސްކްރީންޕްލޭ ލިޔުނީ "ޖޭމްސް ބޮންޑް ސީރީޒްގެ 2012 ގެ ފިލްމު "ސްކައިފޯލް" ގެ ސްކްރީންޕްލޭގައި ހިއްސާވި ޖޯން ލޯގަން އެވެ.