ޢުމްރާ އަށް ރާއްޖޭން މީހުން ގެންދާ ގްރޫޕްތަކާ އިސްލާމިކް މިނިސްޓަރު ޑރ. އަޙްމަދު ޒާހިރު ޢަލީ ބައްދަލުކުރައްވައިފި އެވެ.
އެ ބައްދަލުވުމުގައި ޢުމްރާއަށްދާ މީހުންނަށް ދިމާވާ އެކިއެކި ގޮންޖެހުންތަކާއި، ދަތިތައް އަދި ދިމާވެފައިވާ ކަންކަމުގެ ތެރެއިން މިނިސްޓްރީއާ ޙިއްސާކޮށްފައިވާ ކަންކަމަށް ބަލައި، އެއީ އެ ކަންކަން ތަކުރާރު ނުވާނެ ގޮތަކަށް މަސައްކަތްކޮށް ދެއްވުމަށް މިނިސްޓަރު އެދިވަޑައިގެންނެވި އެވެ.
ރާއްޖެއިން ޢުމްރާއަށް މީހުން ގެންދާ ގްރޫޕްތަކާ މިނިސްޓަރ އޮފް އިސްލާމިކް އެފެއާޒް ޑރ. އަޙްމަދު ޒާހިރު ޢަލީ ބައްދަލުކުރެއްވުން. pic.twitter.com/3rMnqvUW7t
— Ministry of Islamic Affairs (@MVIaffairs) January 30, 2023
އެގޮތުން އުމުރުން ދުވަސްވީ މީހުންނަށް ވީހާ ވެސް ބޮޑަށް އަޅާލުމާއި، ކެއިން ބުއިމާއި ބޭސްފަރުވާގެ ކަންކަމުގައި ވެސް ފަރުވާތެރިވުމަށް އެދިވަޑައިގެންނެވި އެވެ. އަދި ޢުމްރާއަށް މީހުން ގެންދާ ފަރާތްތަކުން އެއްބަސްވުމާ އެއްގޮތަށް ޢަމަލުކުރެއްވުން ފަދަ ކަންކަމަށް އިތުރަށް ސަމާލުކަން ދިނުމަށް ވެސް މިނިސްޓަރު އެދިވަޑައިގަތެވެ.
ބައްދަލުވުމުގައި ޢުމްރާ ގްރޫޕްތަކުން އެ މީހުންނަށް ދިމާވާ އުނދަގޫތަކާއި ކަންބޮޑުވުންތަކާއި،ދަތިތައް މިނިސްޓަރާ ޙިއްސާކޮށްފަ އެވެ.
އެގޮތުން ގްރޫޕްތަކުން ފާހަގަކުރި ކަންކަން ޙައްލުކޮށް ދެއްވުމަށް މިނިސްޓްރީން ގިނަ މަސައްކަތްތަކެއް ކުރަމުން އަންނަ ކަމަށް އިސްލާމިކް މިނިސްޓަރު ވިދާޅުވި އެވެ.