އައްޑޫ ސިޓީ ކައުންސިލުން 30.8 މިލިއަން ރުފިޔާ އިން ޖޫރިމަނާކޮށްފި އެވެ.
މިއީ ކައުންސިލްގެ ތާރީހުހައި ވެސް ތިމާވެއްޓާ ގުޅުން ހުރި މައްސަލެއްގައި އެހާ ބޮޑު އަދަދަކުން ޖޫރިމަނާކުރި ފުރަތަމަ ފަހަރެވެ،
އެންވަޔަރްމެންޓަލް ޕްރޮޓެކްޝަން އޭޖެންސީ (އީޕީއޭ) އިން އައްޑޫ ކައުންސިލް ޖޫރިމަނާކުރީ ހިތަދޫގެ ރުއްޖެހެރަ ސަރަހައްދުން ގިނަ އަދަދެއްގެ ރުއްގަސް ކެނޑުމާއި އެ ސަރަހައްދުގައި ފެންގަނޑެއް ކޮނުނު މައްސަލައިގަ އެވެ.
އެ ކައުންސިލުން 2021 ގެ ތެރޭގައި ކުރީ އާންމުން ދަތުރުދާން ހާއްސަ ޕިކްކިން ޒޯނެއްގެ ގޮތުގައި ތަރައްގީކުރަން ކަމަށް ބުނެ އެވެ.
އައްޑޫ ސިޓީ ހިތަދޫ ރުއްޖެހެރެ ސަރަހައްދުގައި ތަރައްޤީ ކުރާ ޕިކްނިކް ޒޯނުގެ މަސައްކަތް ކުރިޔަށްދާގޮތް މޭޔަރ ޢަލީ ނިޒާރާއި ޑެޕިއުޓީ މޭޔަރ މުޙައްމަދު ޝުޢާއު ބައްލަވާލައްވައިފި. މިމަސައްކަތް ކުރިޔަށް ގެންދަނީ އައްޑޫ ސިޓީ ކައުންސިލް އާއި އައްޑޫ ފްރެންޑްސް އަދި ބީޓެކް ގުޅިގެން. pic.twitter.com/KWsQDVb9Km
— Addu City Council (@AdduCityCouncil) November 3, 2021
އީޕީއޭ އިން މިއަދު ނެރުނު ބަޔާނެއްގައި ބުނީ ރުއްޖެހެރަ ސަރަހައްދުން ގަވާއިދާ ހިލާފަށް ރުއްގަސް ކެނޑުމާއި ފެންގަނޑެއް ކޮނެގެން އެކަމުގެ ޝަކުވާތަކާ ގުޅިގެން ބެލިއިރު، 17،000 އަކަ މީޓަރުގެ ބިން ސާފުކޮށް، އަދި އެ ސަރަހައްދުން 1،700 ކޮޑިމީޓަރުގެ ވެލި ނަގައިގެން ހިތެއްގެ ބައްޓަމަށް ފެންގަނޑެއް ކޮނެފައިވާ ކަމަށެވެ.
Press release regarding the fine imposed on Secretariat of The Addu City Council for the environmental damages caused by the activities carried out in the Addu City Rujehere area.https://t.co/NUGdMQVy0i pic.twitter.com/EAZI7GtZxU
— EPA Maldives (@EPAMaldives) January 31, 2023
އެހެންވެ، ތިމާވެށްޓަށް ދޭ ގެއްލުންތަކަށް ބަދަލު ނެގުމުގެ ގަވާއިދުގެ ދަށުން އައްޑޫ ކައުންސިލް 30.8 މިލިއަން ރުފިޔާ އިން ޖޫރިމަނާކޮށް، އެ ފައިސާ މަސް ދުވަހުގެ ތެރޭގައި ދައްކަން އަންގާފައިވާ ކަމަށް އީޕީއޭގެ ބުންޏެވެ.