އިދިކޮޅު ޕީޕީއެމްގެ ރިޔާސީ ކެނޑިޑޭޓަކީ ކުރީގެ ރައީސް އަބްދުﷲ ޔާމީން ކަމަށް ކުރީގެ އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވެއްޖެއެވެ.
2018 ގެ ރިޔާސީ އިންތިހާބުގައި ރައީސް ޔާމީންގެ ރަނިންމޭޓްގެ ގޮތުގައި ހުންނެވި ޝަހީމް މިފަދައިން ވިދާޅުވެފައިވަނީ، ސިޔާސީ ވާހަކަތަކެއް ސޯޝަލްމީޑިއާގައި ދައްކަވަމުން އަންނަ ޝެއިޚް އަލީ ޒައިދު ޓްވިޓާގައި ކުރެއްވި ސުވާލަކަށް ރައްދު ދެއްވުމުގެ ގޮތުންނެވެ.
އެގޮތުން ޒައިދު ވަނީ ޕީޕީއެމްގެ ޓިކެޓު ލިބެނީ ކޮން ބޭފުޅަކަށްތޯ ސުވާލު ކުރައްވާ، ޝަހީމް ޓެގް ކުރައްވާ ސުވާލު ކުރައްވާފައެވެ.
އެ ސުވާލަށް ޖަވާބު ދެއްވަމުން ޝަހީމް ވިދާޅުވީ ޕީޕީއެމްގެ ރިޔާސީ ކެނޑިޑޭޓަކީ ރައީސް ޔާމީން ކަމަށެވެ.
PPM ge riyaasee candidate aki raees yaamin @prz_ymn. saafu vejje tho @alizaid1000. https://t.co/ggFFle8bMC
— Mohamed Shaheem Ali Saeed (@Mohamedshaheem1) February 5, 2023
ޕީޕީއެމްގެ ރިޔާސީ ކެނޑިޑޭޓަކީ ރައީސް ޔާމީން ކަމަށް އެ ޕާޓިން ބުނަމުން އަންނައިރު އެމަނިކުފާނު ހުންނެވީ 11 އަހަރުގެ ޖަލު ހުކުމެއްގައެވެ. އަދި ޕީޕީއެމްގެ ޓިކެޓުގައި ރިޔާސީ އިންތިހާބުގައި ވާދަކުރައްވާނެ ކެނޑިޑޭޓަކާ ގުޅޭގޮތުން އެކި ގޮތްގޮތަށް ވާހަކަ ދެކެވެމުން އާދެއެވެ.