މުއާމަލާތްތަކަށް ހާއްސަކޮށްގެން އާޓިފިޝަލް އިންޓެލިޖެންސް (އޭއައި) ވެސް ބޭނުންކުރާ ޗެޓްބޮޓެއް "ބާޑް" ގެ ނަމުގައި ލޯންޗްކުރަން ގޫގުލް ތައްޔާރުވާން ފަށައިފި އެވެ.
މީގެ ޓެސްޓިން މަރުހަލާ މިހާރު ސިލެކްޓެޑް ގްރޫޕްތަކެއްގެ މެދުގައި ކުރިއަށްދާ އިރު، ގޫގުލް އިން ބުނީ މާ ލަސްތަކެއް ނުކޮށް "ބާޑް" އާންމުކޮށް ދޫކޮށްލާނެ ކަމަށެވެ. މިއާ އެކީ މިއީ ޗެޓްބޮޓެއްގެ ގޮތުގައި މަޝްހޫރު "ޗެޓްޖީޕީޓީ" އަށް ކުރިމަތިވާ ބޮޑު ވާދަވެރިކަމަށް ވެސް ވާނެ އެވެ.
ދުނިޔޭގެ އެންމެ ވަރުގަދަ ޓެކް ކުންފުނިތަކުގެ ތެރޭގައި ހިމެނޭ ގޫގުލް އިން ބުނީ "ބާޑް" އަކީ އެ ކުންފުނީގެ ލޭންގްއޭޖް މޮޑެލް ފޯ ޑައިލޮގް އެޕްލޭޝަންސް (ލަމްޑާ) ގެ ތެރެއިން ގެނެސްދޭ އެއްޗެއް ކަމަށެވެ. އެގޮތުން އޭއައިގެ އެހީގައި އިިންސާނުންނާ "ދާދި އެއްކަހަލަ ގޮތަކަށް" މުއާމަލާތްކޮށް، ސުވާލުތަކަށް ޖަވާބު ހޯދުމާއި އެ ނޫން ވެސް އެކި މައުލޫމާތުތައް ހޯދަން ވަރަށް ބޮޑު ކުރިއެރުމެއް ލިބި، ފަސޭހަ ވެސް ވާނެ އެވެ.
Bard is an experimental conversational AI service, powered by LaMDA. Built using our large language models and drawing on information from the web, it’s a launchpad for curiosity and can help simplify complex topics → https://t.co/fSp531xKy3 pic.twitter.com/JecHXVmt8l
— Google (@Google) February 6, 2023
"ބާޑް" އާ ބެހޭ ގޮތުން ސީއީއޯ ސުންދަރު ޕިޗާއީ ވިދާޅުވި މިއީ "ފުޅާ ދާއިރާއެއްގައި" މުއާމަލާތްތަކެއް ކުރުމަށް ތަނަވަސްކޮށްދެވޭ ވަރަށް އުފެއްދުންތެރި އަދި އެހާމެ ބޭނުންތެރި އެއްޗަށް ވާނެ ކަމަށެވެ.
"މިއީ ލޭންގްއޭޖް މޮޑެލްގެ ތެރެެއަށް އިންޓެލިޖެންސާއި ކްރިއޭޓިވިޓީ ގެނެސްދީ، މައުލޫމާތުތައް ހޯދަން ފަހިކޮށްދެވޭ ވަރަށް ބާރު ގަދަ ވަސީލަތަކަށް ވާނެ." އޭނާ ވިދާޅުވި އެވެ. "އަދި މިކަން ކުރިއަށް ދާނީ ވަރަށް ރޭވުންތެރިކަމާއި ފަރުވާތެރިކަމާއި ޒިންމާދާރުކަމާ އެކީ."
1/ In 2021, we shared next-gen language + conversation capabilities powered by our Language Model for Dialogue Applications (LaMDA). Coming soon: Bard, a new experimental conversational #GoogleAI service powered by LaMDA. https://t.co/cYo6iYdmQ1
— Sundar Pichai (@sundarpichai) February 6, 2023
ޕިޗާއީ ވިދާޅުވީ "ބާޑް" އަކީ ސައްހަ މައުލޫމާތު ފޯރުކޮށް ދިނުމާ އެކީ ސައްހަ ނޫން ކޮންޓެންޓްތަކާއި އަދި އެ ނޫން ވެސް ނޭދެވޭ އެތައް ކޮންޓެންޓްތަކުން ރައްކާތެރިކަށް ކަށަވަރުކޮށް ދެވޭނެ ވަސީލަތަކަށް ވާނެ އެވެ.
އެހެންވެ "ބާޑް" ގެ އެންމެ ހާއްސަ ކަމަކަށް ވާނީ ގޫގުލް އިން ސާޗްކޮށްގެން މައުލޫމާތު ހޯދުމަށް ވުރެ، ފަސޭހަ އަދި ރައްކާތެރިކޮށް އަދި ކޮންމެ ފަދަ މައުލޫމާތެއް ވެސް ހޯދަން ލިބޭ ވަރަށް ރަނުގެ ފުރުސަތަކަށެވެ.