ކުރިއަށް ރޯދަ މަހަށް ތައްޔާރުވުމުގެ ގޮތުން މާލޭގެ އިސްލާމީ މަރުކަޒު ކުރިއަށް ގެންދާ ސާފުކުރުން ފަދަ މަސައްކަތްތަކުގައި މިނިސްޓަރު ޑރ. އަހުމަދު ޒާހިރު ވެސް ބައިވެރިވެވަޑައިގަންނަވަން ފައްޓަވައިފި އެވެ.
މިނިސްޓްރީން އިއްޔެ އާންމުކުރި ފޮޓޯތަކެއްގައި މިނިސްޓަރު މާސްކް އަޅުއްވައި ނަރުބުރުހެއް ހިއްޕަވައިގެން މިސްކިތުގެ ސްޓޭންޑް ފަންކާތައް ސާފުކުރާ ތަން ފެނެ އެވެ. އަދި އެ މަސައްކަތުގައި މިނިސްޓްރީގެ އިސް ބޭފުޅުންނާއި އިސްލާމީ މަރުކަޒުގެ މަސައްކަތި މުވައްޒަފުން ވެސް ހަރަކާތްތެރިވާ ތަން ފެނެ އެވެ.
1444 ވަނަ އަހަރުގެ ރަމަޟާންމަހަށް ތައްޔާރުވުމުގެ ގޮތުން އިސްލާމީ މަރުކަޒުގައި ކުރިއަށްގެންދާ މަސައްކަތްތަކުގެ ތެރެއިން pic.twitter.com/XNE3dOOvYa
— Ministry of Islamic Affairs (@MVIaffairs) February 28, 2023
އިސްލާމީ މަރުކަޒަކީ މާލޭގެ އެންމެ ބޮޑު އެއް މިސްކިތެވެ. އަދި އިސްލާމިކް މިނިސްޓްރީ ވެސް ހިންގަނީ އެތަނުގަ އެވެ.
ކޮންމެ އަހަރެއްގެ ރޯދަ މަހާ ދިމާކޮށް ރާއްޖޭގެ ހުރިހާ ހިސާބެއްގައި ވެސް މިސްކިތްތައް މަރާމާތުކޮށް، އާބާތުރަ ފިލުވަ އެވެ. ކަލަންޑަރުގައިވާ ގޮތުން މި އަހަރުގެ ރޯދަ މަހުގެ ފުރަތަމަ ދުވަހަކީ މި މަހުގެ 23 އެވެ.